សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បើករថយន្តស៊េរីទំនើប ម៉ាកTOYOTA HILUX RALLY ក្នុងល្បឿនលឿនដល់ផ្លូវកោងបួងចង្កូតមិនទាន់ជ្រុលទៅបុកកង់បីខ្មែរបើកបញ្ច្រាសទិសគ្នាពេញទំហឹងបណ្ដាលឲ្យរងរបួសធ្ងន់បញ្ជូនទៅមន្ទីរពេទ្យ ។ ហេតុការណ៍នេះបានកេីតឡេីងកាលពីវេលាម៉ោង១០យប់ ថ្ងៃទី១៩ ខែវិច្ឆិកា ឆ្នាំ២០២៤ ស្ថិតតាមបណ្ដោយផ្លូវបេតុងវត្តភ្នៀត សង្កាត់ពន្សាំង ខណ្ឌព្រែកព្នៅ រាជធានីភ្នំពេញ។
បើតាមប្រភពពីកន្លែងកើតហេតុបានឲ្យដឹងថាមុនពេលកើតហេតុគេបានឃើញ បុរសម្នាក់បើករថយន្តស៊េរីទំនើបមួយគ្រឿងម៉ាក TOYOTA HILUX RALLY ពណ៌ស ពាក់ផ្លាកលេខ ភ្នំពេញ 2BC-3596 ក្នុងទិសដៅពីជើងមកត្បូងតាមបណ្ដាយផ្លូវបេតុងវត្តភ្នៀតក្នុងល្បឿនលឿន លុះមកដល់ចំណុចកើតហេតុផ្លូវមានស្ថានភាពកោងអ្នកបើកបររថយន្តបួងចង្កូតមិនទាន់បានជ្រុលទៅបុកកង់បីខ្មែរពេញទំហឹងដែលបើកបរបញ្ច្រាសទិសគ្នាពីត្បូងមកជើងបណ្ដាលឲ្យកង់បីរងការខូចខាតទាំងស្រុងមើលលែងយល់ ចំណែកអ្នកបើកបរកង់បីរងរបួសធ្ងន់ បញ្ជូនទៅកាន់មន្ទីរពេទ្យភ្លាមៗ ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកធ្វើការវាស់វែងយករថយន្ត និងម៉ូតូរុឺម៉កកង់បីខ្មែរ ទៅរក្សាទុករង់ចាំការដោះស្រាយនៅពេលក្រោយ ៕
ដោយ៖ សុខាសែនជ័យ
