សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅថ្ងៃទី២៣ ខែសីហា ឆ្នាំ២០១៦ វេលាម៉ោប្រហែល ១២ និង៤០នាទី នគរបាលប៉ុស្តិ៍រដ្ឋបាលទឹកល្អក់ទី២ ខណ្ឌទួលគោក រាជធានីភ្នំពេញ បានឃាត់ខ្លួនជនសង្ស័យ១នាក់ ពីបទលួចម៉ូទ័របុកថ្ម ប្រព្រឹត្តនៅចំណុចក្នុងមន្ទីរពេទ្យព្រះកុសុមៈ ផ្លូវ ២៧១ ក្រុម៣៦ ភូមិ ១២ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ។
សមត្ថកិច្ចបញ្ជាក់ថា ជនសង្ស័យ ឈ្មោះ ឆាំង ឆៃ ហៅ ឆៃ ភេទប្រុស អាយុ ១៨ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅពុំពិតប្រាកដ មានស្រុកកំណើត ភូមិ កោះញ៉ៃ ឃុំ សំរោង ស្រុកត្រាំកក់ ខេត្តតាកែវ ។ រីឯជនរងគ្រោះ ឈ្មោះ ប្រាក់ សុខលី ភេទប្រុស អាយុ៤៥ ឆ្នាំ ជនជាតិខ្មែរ មុខម៉ៅការសំណង់ ស្នាក់នៅផ្ទះជួលលេខ ២ ផ្លូវលំ សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ជាមួយនេះ សមត្ថកិច្ចរិបអូសវត្ថុតាងម៉ូទ័រសំរាប់បុកថ្ម ពណ៌ខៀវចំនួន០១ផងដែរ ។
ប្រភពបន្តថា មុនពេលកើតហេតុ នៅថ្ងៃទី ២៣ ខែសីហា ឆ្នាំ ២០១៦ វេលាម៉ោងប្រហែល ៩ ជនរងគ្រោះបានទុកម៉ូទ័រសំរាប់បុកថ្ម នៅក្នុងឃ្លាំង ក្នុងការដ្ឋានសំណង់ ក្នុងមន្ទីរ ពេទ្យព្រះកុសុមៈ ផ្លូវ២៧១ សង្កាត់ទឹកល្អក់២ ខណ្ឌទួលគោក ហើយមើលការងារ កូនជាងធម្មតា លុះមកដល់ម៉ោងប្រហែល ៩និង ២០នាទីជនរងគ្រោះ បានដើរទៅឃ្លាំងដាក់សំភារៈ ស្រាប់តែបាត់ម៉ូទ័រ សំរាប់បុកថ្ម ពេលនោះជនរងគ្រោះ ក៏បានឆែកកាមរ៉ា សុវត្ថិភាពក្នុងមន្ទីរពេទ្យមើល ក៏ឃើញជនឈ្មោះ ឆាំង ឆៃ ដែលត្រូវជាប្អូនប្រុសរបស់ ឈ្មោះ ឆាំង បុត្រ ភេទប្រុស អាយុប្រហែល ៣៦ ឆ្នាំ ជាអតីតកម្មករ របស់ជនរងគ្រោះ និងបក្ខពួក០២នាក់ទៀត បានចូលលួចម៉ូទ័របុក របស់ជនរងគ្រោះ ពេលនោះជនរងគ្រោះ ក៏បានឃ្លាំមើល ស្រាប់តែជនសង្ស័យឈ្មោះ ឆំាង ឆៃ បានមកក្នុងមន្ទីរពេទ្យបំរុងលួចសំភារៈជនរងគ្រោះ បន្តទៀត ក៏ត្រូវជនរងគ្រោះឃើញ ក៏ឃាត់ខ្លួន យកមកប្រគល់ឲ្យសមត្ថកិច្ចនគរបាលប៉ុស្តិ៍រដ្ឋបាលទឹកល្អក់ទី២ តែម្ដង ។
បច្ចុប្បន្នជនសង្ស័យឈ្មោះ ឆាំង ឆៃ កំពុងឃាត់ខ្លួនជាបណ្ដោះ អាសន្ន នៅអធិការដ្ឋាននគរបាល ខណ្ឌទួលគោក ដើម្បីសាកសួរ និងកសាងសំណុំរឿងបញ្ជូនទៅសាលាដំបូង រាជធានីភ្នំពេញ ចាត់ការតាមផ្លូវច្បាប់ ៕ ស ដារ៉ា
សូមអានបន្ត ៖ ផឹកស្រាស៣លីត្រទាញដងរ៉ែកសំពងបងបង្កើតរបួសធ្ងន់សមត្ថកិច្ចឃាត់ខ្លួន
