មុននឹងចូលជួបសំណេះសំណាលជាមួយមន្ត្រីរាជការខេត្តកំពង់ចាម សម្តេចតេជោ ហ៊ុន សែន អញ្ជើញចុះមកពិនិត្យអគារសិក្សាចាស់ទ្រុឌទ្រម១ខ្នង “អនុវិទ្យាល័យបឹងកុក”

ក្រោយពីបានពិនិត្យអាគារសិក្សាដែលមានសភាពចាស់ទ្រុតទ្រោម និងក្រោយពីបានស្តាប់យោបល់ និងកង្វល់លោកគ្រូអ្នកគ្រូ និងក្មួយៗសិស្សានុសិស្សរួចមក សម្តេចតេជោ ហ៊ុន សែន និងសប្បុរសជន បានធ្វើអំណោយអាគារសិក្សាថ្មី១ខ្នង ៣ជាន់ ១៨ បន្ទប់ ដោយវាយអាគារសាលាចាស់នេះចេញ និងសាងសង់ទីចាត់ការ១ខ្នង៣បន្ទប់ និងរៀចំអោយមានជាសាលសហសិក្សាថែមទៀតផង។ ទន្ទឹមនឹងនោះ នឹងមានរៀបចំអោយមានតារាងបាលទះ និងបាលទាត់សម្រាប់កូនក្មួយសិស្សានុសិស្សផងដែរ។

សូមក្មួយៗ និងចៅៗទាំងអស់ខិតខំសិក្សាធ្វើជាកូនល្អ និងពលរដ្ឋល្អរបស់ប្រទេសជាតិ ហើយត្រូវចៀសចេញអោយឆ្ងាយពីគ្រឿងញៀនគ្រប់ប្រភេទ និងអំពើអបាយមុខគ្រប់យ៉ាង។ សូមអរគុណ លោកគ្រូអ្នកគ្រូដែលបានយកចិត្តទុកដាក់ពង្រឹងគុណភាពអប់រំអោយកាន់តែមានប្រសិទ្ឋិភាពល្អប្រសើរនៅតាមបណ្តាខេត្តទូទាំងប្រទេស ៕