សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ តារាចម្រៀងរ៉េបលំដាប់ជួរមុខរបស់កម្ពុជាលោក ម៉ាន់ វណ្ណដា ហៅ វណ្ណដា បានចាត់ទុកថាសម្រាប់ឆ្នាំ២០២៤នេះ លោកបានជួបនូវរឿងរ៉ាវដែលមិននឹកស្មានដល់ជាច្រើន បានកើតឡើងជាបន្តបន្ទាប់។
លោក ម៉ាន់ វណ្ណដា បានបង្ហោះជាសាធារណៈយ៉ាងដូច្នេះថា ៖ ២០២៤ ជាឆ្នាំមួយដែលមានរឿងនឹកស្មានមិនដល់ជាច្រើនបានកើតឡើង ។
លោក ម៉ាន់ វណ្ណដា បន្តថា ៖ ខ្ញុំបានចាប់ផ្តើមឆ្នាំនេះជាមួយអ្នកគាំទ្រទាំងអស់ ដោយបានចេញចម្រៀងជាមួយសិល្បករដែលមានសមត្ថភាពជាច្រើន ហើយក៏មានបទចូលឆ្នាំខ្មែរដែលឥឡូវនេះនៅតែកំពុងទទួលបានគាំទ្រយ៉ាងខ្លាំងក្លាពីបណ្តាប្រទេសនានានៅអាស៊ី និងបានឡើងសម្តែងនៅឆាកធំៗនៅក្រៅប្រទេសជាច្រើនដូចជា Sabaidee Fest នៅអាមេរិក និងបានឡើងសម្តែងនៅឆាកអូឡាំពិកប៉ារីស ២០២៤ ហើយជាពិសេសក៏បានឡើងសម្តែងដើម្បីអបអរសាទរពិធីបើកការប្រកួតជាផ្លូវការ នៃព្រឹត្តិការណ៍កីឡាជាតិ លើកទី ៤ និងកីឡាជាតិជនពិការ លើកទី២ ជូនបងប្អូនជនរួមជាតិទាំងអស់ផងដែរ ដោយទាំងនេះសុទ្ធតែជាក្តីស្រមៃដែលក្លាយជាការពិតសម្រាប់ខ្ញុំក្នុងឆ្នាំនេះ។ រឿងអស្ចារ្យទាំងអស់នេះនឹងមិនអាចកើតមានឡើយ បើខ្ញុំគ្មានការគាំទ្រដ៏ខ្លាំងក្លាពីពុកម៉ែបងប្អូនគ្រប់រូប ការស្រលាញ់ចូលចិត្តរបស់អ្នកទាំងអស់គ្នាគឺជាកម្លាំងដ៏មហាសាលមួយសម្រាប់ខ្ញុំ។ 🙏🏻
តារាចម្រៀងរ៉េបលំដាប់ជួរមុខរបស់កម្ពុជាលោក ម៉ាន់ វណ្ណដា ហៅ វណ្ណដា ថា ៖ ឆ្នាំក្រោយ យើងនឹងបានជួបគ្នាញឹកបន្តិចហើយ 🙌🏻 ៕
ដោយ ៖ សិលា
