ក្មេងប្រុសម្នាក់លង់ទឹកស្លាប់ នៅស្រុកលំផាត់

ខេត្តរតនគិរី៖ ក្មេងប្រុសម្នាក់បានលង់ទឹកស្លាប់ក្នុងរណ្តៅអាអ៊ីចកាយយកដីធ្វើផ្លូវនៅស្រុកលំផាត់ ។ ករណីក្មេងប្រុសលង់ទឹកស្លាប់នេះ បានកើតឡើងនៅវេលាម៉ោង៣និង៣០នាទីរសៀល ថ្ងៃទី២៤ ខែសីហា ឆ្នាំ២០១៦ នៅចំណុចរណ្តៅទឹកមុខដីចំការលោកតង់ស៊ីន ស្ថិតក្នុងភូមិចាងរ៉ា ឃុំបាតាង ស្រុកលំផាត់ ខេត្តរតនគិរី ។

សមត្ថកិច្ចមូលដ្ឋានបានបញ្ជាក់ថា កុមាររងគ្រោះមានឈ្មោះ កុប ខាំសាយ ភេទប្រុស អាយុ១១ឆ្នាំ ជនជាតិទំពូន ។

មុនពេលកើតហេតុ កុមាររងគ្រោះ និងកុមារផ្សេងទៀតបានចុះមុជទឹកក្នុងរណ្តៅអាអ៊ីចកាយដីធ្វើផ្លូវ ក្រោយមកកុមាររងគ្រោះលេងទឹកភ្លេចខ្លួនក៏ធ្លាក់ទៅកន្លែងទឹកជ្រៅហើយក៏លង់ទឹកស្លាប់តែម្តង។
ពេលនោះក្មេងដែលទៅលេងជាមួយគ្នាបានរត់ទៅប្រាប់ឪពុកម្តាយកុមាររងគ្រោះអោយមកស្រង់ឡើងលើគោកតែជាអកុសលកុមាររងគ្រោះនោះក៏បានស្លាប់បាត់បង់ជីវិតទៅហើយ ឪពុកម្តាយក៏ដង្ហូរយំសោកសង្វេគដោយស្តាយរូបកូនដែលបាត់បង់ជីវិតទៅនោះ ។

បច្ចុប្បន្ន សាកសពកុមារងគ្រោះសមត្ថកិច្ចបានប្រគល់ឲ្យទៅក្រុមគ្រួសារធ្វើបុណ្យទៅតាមប្រពៃណីផងដែរ  ៕  វុទ្ធឦសាន

សូមអានបន្ត ៖ នៅសាលមហោស្រប សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានប្រារព្វពិធីអបអរសាទរការផ្សព្វផ្សាយទិវាអន្តជាតិជនជាតិភាគតិចពិភពលោក លើកទី២២