សារព័ត៌មាន នគរវត្ត តែងតែនាំមុខគេជានិច្ច
វិបត្តិរបស់ក្រុមជើងឯកមេឃខៀវ Manchester City កាន់តែតានតឹង ខណៈពួកគេបានធ្លាក់ទៅនឹងការបរាជ័យដ៏គួរឲ្យសោកស្តាយ ដោយធ្លាក់ចេញពីតំបន់ Top 4 ក្រោយពីបរាជ័យនៅទឹកដីក្រុម Aston Villa ក្នុងលទ្ធផល ២ទល់១ កាលពីយប់ថ្ងៃទី២១ ខែធ្នូ ឆ្នាំ២០២៤។
គ្រាប់បាល់របស់ Jhon Duran និង Morgan Rogers បានរក្សាក្រុមម្ចាស់ផ្ទះនូវជ័យជម្នះយ៉ាងធំធេង បើទោះបីគ្រាប់បាល់ចុងម៉ោងរបស់ Phil Foden ១គ្រាប់ក៏មិនអាចតាមស្មើបានដែរ។ ក្រុមការពារតំណែងជើងឯក Man City បានធ្លាក់មកឈរនៅលេខរៀងទី៦ក្នុងក្របខ័ណ្ឌ Premier League ចាញ់៩ពិន្ទុពីក្រោយក្រុមកំពូលតារាង Liverpool ដែលមាន២ប្រកួតបន្ថែមទៀត ខណៈដែល Aston Villa បានឡើងពីលើពួកគេទៅចំណាត់ថ្នាក់ទី៥។
ពេលនេះគឺជាការចាញ់៩ប្រកួតក្នុងចំណោម១២ប្រកួតក្នុងការប្រកួតទាំងអស់សម្រាប់ Man City ដែលមិនស្គាល់ឈ្នះសោះក្នុងការប្រកួតក្រៅដី៨លើកចុងក្រោយរបស់ពួកគេ ខណៈដែលរដូវកាលរបស់ពួកគេបន្តធ្លាក់ចុះ។
លោក Pep Guardiola បានធ្វើការផ្លាស់ប្តូរ បន្ទាប់ពីការចាញ់ Manchester Derby កាលពីសប្តាហ៍មុន ប៉ុន្តែបានធ្វើឱ្យមានភាពខុសប្លែកគ្នាតិចតួចក្នុងអំឡុងពេលលទ្ធផលដ៏លំបាកមួយនេះ។ Aston Villa ដែលបានឈ្នះត្រឹមតែ៣ដងប៉ុណ្ណោះក្នុងចំណោមការប្រកួតកំពូលទាំង១១លើកមុនរបស់ពួកគេ បានទទួលជ័យជម្នះជាការរក្សាក្តីសង្ឃឹមកំពូលទាំង៤របស់ពួកគេឱ្យនៅមានជីវិតយ៉ាងរឹងមាំ។
ការប្រកួតនោះ បើទោះបី Emi Martinez ជួយសង្គ្រោះបានយ៉ាងល្អពី Foden ក្នុងតង់ទីមួយ ហើយ Aston Villa នៅតែបន្តរកវិធីដើម្បីវាយបក ដោយអាចឆ្លងកាត់ខ្សែការពារដ៏ទន់ខ្សោយរបស់ Man City។ កីឡាករ Jhon Duran បានរកគ្រាប់បាល់នាំមុខនៅនាទីទី១៦។
កាន់តែអាក្រក់បានកើតឡើងនៅតង់ទី២បន្តទៀត ដោយ Rogers រកបានគ្រាប់បាល់ទី២នៅនាទីទី៦៥ ហើយនៅនាទីទី៩០+៣ ខ្សែប្រយុទ្ធ Foden រកបាន១គ្រាប់តាមពីក្រោយ ប៉ុន្តែទោះបីជាយ៉ាងណា Man City នៅតែមិនអាចរកគ្រាប់បាល់តាមស្មើបានឡើយ ដោយរក្សាលទ្ធផល២ទល់១ រហូតចប់ការប្រកួត។
ចំណាត់ថ្នាក់លេខ៦ និងចាញ់៩ពិន្ទុតាមពីក្រោយក្រុមកំពូលតារាង Liverpool ដែលជាម្ចាស់ជើងឯកដែលធ្លាក់មកក្រោម ត្រូវការការជឿជាក់យ៉ាងខ្លាំង។ នោះអាចចូលមកក្នុងទីផ្សារដោះដូរកីឡាករនៅខែក្រោយ Man City អាចនឹងមានការប្រែប្រួលពីការផ្ទេរកីឡាករ។
បច្ចុប្បន្ន Aston Villa បានឡើងមកឈរចំណាត់ថ្នាក់លេខ៥ មាន២៨ពិន្ទុ តាមពីក្រោយក្រុមចំណាត់ថ្នាក់លេខ៤ Nottingham Forest ដែលមាន៣១ពិន្ទុ ហើយ Aston Villa នឹងត្រូវប៉ះក្រុមខ្លាំង Newcastle នៅថ្ងៃទី២៦ ខែធ្នូបន្តទៀតនៅ Premier League ខណៈដែល Man City ត្រូវប៉ះ Everton នៅថ្ងៃជាមួយគ្នានោះដែរ ៕
ដោយ៖ ភារៈ(រូបភាព ៖ BBC)
