យុវតីម្នាក់ត្រូវរថយន្តដឹកប្រេងបេីកគៀរឱ្យដួល និងកិនស្លាប់យ៉ាងរន្ធត់

ភ្នំពេញ ៖ យុវតីម្នាក់បានជិះម៉ូតូតាមដងផ្លូវ ស្រាប់តែត្រូវរថយន្តធុនធំដឹកប្រេងមួយគ្រឿងបេីកគៀរ និងកិនពីលេីជនរងគ្រោះបណ្ដាលឲ្យស្លាប់ភ្លាមៗនៅនឹងកន្លែង ដោយបង្កការភ្ញាក់ផ្អេីលកាលពីវេលាម៉ោង៨ និង៤០នាទីព្រឹក ថ្ងៃទី២៦ ខែធ្នូ ឆ្នាំ ២០២៤ នៅលេីផ្លូវបេតុង ភូមិព្រៃស កេីត សង្កាត់ព្រៃស ខណ្ឌដង្កោ រាជធានីភ្នំពេញ ។ 

    តាមប្រភពព័ត៌មានពីកន្លែងកេីតហេតុបានឲ្យដឹងថា នៅមុនកេីតហេតុនោះ គេឃេីញយុវតីរងគ្រោះបានជិះម៉ូតូម៉ាក ហុងដា អាយខន ពណ៌ផ្កាឈូក ពាក់ផ្លាកលេខ ភ្នំពេញ 1AR-3082 បានធ្វេីដំណេីរតាមបណ្ដោយផ្លូវបេតុង ព្រៃស ទិសដៅពីលិចទៅកេីត ក្នុងល្បឿនល្មម ខណៈមកដល់ចំណុចកេីតហេតុក៏មានរថយន្តដឹកប្រេង ម៉ាក CHENGLONG ពណ៌ស លាយខ្មៅ ពាក់ផ្លាកលេខភ្នំពេញ 3G-6238 បានធ្វេីដំណេីរមកតាមក្រោយយុវតីរងគ្រោះក្នុងល្បឿនលឿន និងបានគៀរម៉ូតូឲ្យដួល ខ្ទាតមកចិញ្ចេីមផ្លូវ ប៉ុន្តែយុវតីរងគ្រោះបានខ្ទាតចូលក្រោមរថយន្តបង្កបណ្ដាលឲ្យកិនស្លាប់ភ្លាមៗនៅនឹងកន្លែង ។ 

      ក្រោយកេីតហេតុភ្លាមៗ រថយន្តបង្កបានបន្ថែមល្បឿនបេីករត់គេចដែរ ប៉ុន្តែត្រូវបានប្រជាពលរដ្ឋដេញតាមឃាត់បានទាំងតៃកុង និងរថយន្តបង្ក រួចទាក់ទងទៅសមត្ថកិច្ចមូលដ្ឋានឲ្យមកនាំខ្លួនតៃកុងទៅប៉ុស្ដិ៍នគរបាលរដ្ឋបាល ព្រៃស ដេីម្បីសួរនាំ ។ ដោយឡែករថយន្តបង្ក និងម៉ូតូជរងគ្រោះ ត្រូវបានសមត្ថកិច្ចជំនាញចរាចរណ៍ខណ្ឌដង្កោ ចុះធ្វេីការវាស់វែងយកទៅរក្សាទុក រង់ចាំដោះស្រាយតាមច្បាប់នាពេលក្រោយ ។ ចំណែកសពយុវតីរងគ្រោះ ក៏ត្រូវបានសមត្ថកិច្ចជំនាញធ្វេីឯកសារ និងទាក់ទងទៅសាច់ញាតិជនរងគ្រោះដេីម្បីប្រគល់សពឲ្យយកទៅធ្វេីបុណ្យតាមប្រពៃណី ៕

ដោយ ៖ ភារ៉ា ដង្កោ