សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ លោកវរសេនីយ៍ឯក យី យក់សាន នាយការិយាល័យនគរបាលប្រឆាំងបទល្មើសសេដ្ឋកិច្ចខេត្តបាត់ដំបង បានដឹកនាំកម្លាំងបន្តសហការជាមួយកម្លាំងយោធភូមិ ភាគទី៥ និងកម្លាំងមន្ត្រីមន្ទីរអធិការកិច្ច កាលពីថ្ងៃទី២៧ ខែធ្នូ ឆ្នាំ២០២៤ម្សិលមិញនេះ ចុះបង្រ្កាបបទល្មេីសនេសាទ នៅក្នុងតំបន់អភិរក្សអតីតឡូតិ៍នេសាទលេខ២ស្ថិតក្នុងភូមិសាស្ត្រស្រុកឯកភ្នំ ខេត្តបាត់ដំបង។
ក្នុងប្រតិបត្តិការនោះទទួលបានលទ្ធផលដូចខាងក្រោម៖
១-នៅចំណុចបឹងស្នែងក្របី ដល់ចំណុចស្វាហែល៖
-សាច់ម៉ងប្រវែង ៣៥០០ម៉ែត្រ
-ឡុកចំនួន ០៥គ្រឿង
-បង្គោលចំនួន ១៧០០ដើម
-លែងត្រីចូលបឹងធម្មជាតិវិញចំនួន ២៥០០គីឡូក្រាម
-រឹបអូសកាណូតស្មាច់(ចាស់)ចំនួន ០១គ្រឿង យកមករក្សាទុកនៅទី ស្នាក់ការទន្លេសាប តំបន់ប្រតិបត្តិការសឹករងបាត់ដំបង។
២-នៅចំណុចបឹងទំលាក់តាមឹម
-សាច់ម៉ងប្រវែង ២៥០០ម៉ែត្រ
-ឡុកចំនួន ០៣គ្រឿង
-បង្គោលចំនួន ១៤០០ដើម
-លែងត្រីចូលបឹងធម្មជាតិវិញចំនួន ១៣០០គីឡូក្រាម
៣-នៅចំនុចបឹងអាឈូក៖
-សាច់ម៉ងប្រវែង ៧០០ម៉ែត្រ
-ឡុកចំនួន ០១គ្រឿង
-បង្គោលចំនួន ៣៥០ដើម។
សរុបរួម៖ សាច់ម៉ងប្រវែង៦៧០០ម៉ែត្រ ឡុកចំនួន០៩គ្រឿងបង្គោលចំ នួន៣៤៥០ដើម លែងត្រី ៣៨០០ គីឡូក្រាម និងកាណូតស្មាច់ចំនួន ០១គ្រឿង។
ដោយឡែកចំពោះវត្ថុតាងខាងលើ ត្រូវបានក្រុមការងារសម្រេចកាប់បំផ្លាញ (ដុតចោលនៅនឹងកន្លែង) ដោយឡែកមុខសញ្ញាប្រព្រឹត្តិល្មើសសមត្ថកិច្ចជំនាញកំពុងបន្តស្រាវជ្រាវ ដើម្បីចាត់ការតាមច្បាប់៕
ដោយ៖ តារា
