សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជិះម៉ូតូលឿនខ្វះការប្រុងប្រយ័ត្នបានទៅបុកកន្ទុយរុឺម៉ករថយន្តកុងតឺន័រពីក្រោយដួលបោកក្បាលស្លាប់ភ្លាមៗ ចំណែករថយន្តកុងតឺន័របេីកចេញពីកន្លែងកេីតហេតុទៅបាត់ស្រមោល។
ហេតុការណ៍នេះបង្កឲ្យមានការភ្ញាក់ផ្អើលនៅវេលាម៉ោង១០និង៣៥នាទីយប់ថ្ងៃទី៣០ខែធ្នូឆ្នាំ២០២៤ ស្ថិតនៅតាមបណ្ដោយផ្លូវជាតិលេខ៤ ទល់មុខកន្លែងលក់សាច់ក្រក សង្កាត់កន្ទោក ខណ្ឌកំបូល រាជធានីភំ្នពេញ។
សពជនរងគ្រោះឈ្មោះ ផៃ អ៊ី ភេទប្រុសអាយុ៣៧ឆ្នាំ មុខរបរលក់លៀសហាល បច្ចុប្បន្នស្នាក់នៅម្ដុំផ្ទះជួលបែកចាន ស្រុកអង្គស្នួល ខេត្តកណ្ដាល មានស្រុកកំណើត នៅភូមិត្រពាំងធំ ឃុំបឹងណាយ ស្រុកព្រៃឈរ ខេត្តកំពង់ចាម។
ប្រភពព័ត៌មានពីប្រជាពលរដ្ឋបានឲ្យដឹងថា នៅមុនពេលកេីតហេតុគេឃើញជនរងគ្រោះជិះម៉ូតូម្នាក់ឯងម៉ាកហុងដាឌ្រីមស៊េរីឆ្នាំ២០១៣ ពណ៌ខ្មៅ ពាក់ស្លាកលេខភ្នំពេញ1BV-5309ធ្វើដំណើរតាមបណ្តោយផ្លូវជាតិលេខ៤ត្រឡប់មកពីលក់ដូរវិញក្នុងទិសដៅពីកេីតទៅលិចក្នុងល្បឿនលឿនលុះមកដល់ចំណុចខាងលើក៏ជ្រុលទៅបុកកន្ទុយរុីម៉កកុងតឺន័រពឹក្រោយពេញទំហឹងបណ្ដាលឲ្យដួលបោកក្បាលនឹងផ្លូវស្លាប់បាត់បង់ជីវិតភ្លាមៗនៅនឹងកន្លែងកើតហេតុ។ ចំណែករថយន្តកុងតឺន័របានបេីកបន្តដំណើរចេញទៅបាត់ស្រមោល។ លុះក្រោយមកទេីបបង្កឲ្យមានការភ្ញាក់ផ្អើលដល់ពលរដ្ឋនិងសមត្ថកិច្ចមូលដ្ឋានចុះមកអន្តរាគមន៍ រួចទាក់ទងទៅសាច់ញាតិក្រុមគ្រួសារសពបន្តផងដែរ។
ក្រោយពេលកេីតហេតុបន្ទាប់ពីសាច់ញាតិក្រុមគ្រួសារបានមកដល់ខាងសមត្ថកិច្ចផ្នែកជំនាញចរាចរណ៍ធ្វើលិខិតប្រគល់សពរងគ្រោះអោយទៅក្រុមគ្រួសារដឹកយកទៅធ្វើបុណ្យតាមប្រពៃណីនៅឯស្រុកកំណើតខេត្តកំពង់ចាម។ចំណែកម៉ូតូសមត្ថកិច្ចវាស់វែងយកទៅរក្សាទុកនៅការិយាល័យចរាចរណ៍ផ្លូវគោកខណ្ឌកំបូល៕
ដោយ៖ សុខាសែនជ័យ
