ឃាត់ខ្លួនជនសង្ស័យ២នាក់ ពាក់ព័ន្ធបទល្មើសគ្រឿងញៀនខុសច្បាប់

ខេត្តកំពង់ចាម៖ សមត្ថកិច្ចនគរបាលស្រុកកងមាស នៅថ្ងៃទី០៣ ខែមករា ឆ្នាំ២០២៥ បានឃាត់ខ្លួនជនសង្ស័យពីរនាក់ពាក់ព័ន្ធបទល្មើសគ្រឿងញៀន ក្នុងភូមិសាស្រ្ត ឃុំព្រែកកុយ ស្រុកកងមាស ខេត្តកំពង់ចាម។

ជនសង្ស័យទាំងពីរនាក់មានឈ្មោះ ០១.ឈ្មោះ ពិន ណាវីន ភេទប្រុស អាយុ ២៩ឆ្នាំ ស្រុកកំណេីតនៅភូមិផ្លូវត្រី ឃុំថ្មគរ ស្រុកល្វាឯម ខេត្តកណ្តាល បច្ចុប្បន្ននៅភូមិរកាធំ ឃុំជីរោរ៍ទី១ ស្រុក-ខេត្តត្បូងឃ្មុំនិង០២. ឈ្មោះ រី សុភក្តី ភេទប្រុស អាយុ២៦ឆ្នាំ រស់នៅភូមិអូរតាសេក ឃុំ អូរឧកញ៉ាហេង ស្រុកព្រៃនប់ ខេត្តព្រះសីហនុ ។ 

សមត្ថកិច្ចបានឲ្យដឹងថា ចាប់ពីម៉ោង០៦ និង៣០នាទី រហូតដល់ម៉ោង ១០ និង ០០នាទី កម្លាំងប៉ុស្តិ៍នគរបាលរដ្ឋបាលព្រែកកុយ បានចុះល្បាត និងត្រួតពិនិត្យ អាវុធជាតិផ្ទុះ នៅក្នុងភូមិសាស្រ្ត ឃុំព្រែកកុយ ក៏ប្រទះឃេីញ ម៉ូតូ០១គ្រឿងម៉ាក C១២៥ ស៊េរីឆ្នាំ ២០២០ ឡេីងតែម ២០២២ ពណ៌ខ្មៅ កាំបន្ទះពណ៌ខ្មៅ ពាក់ស្លាកលេខ កណ្តាល ១AE-១៥៩១ មានលេខតួ និងលេខម៉ាស៊ីន ៥៨៦៦៧៦៤ ជិះគ្នាពីរនាក់ ។ ឃេីញដូច្នេះសមត្ថកិច្ចយេីងបានហៅឱ្យឈប់ដេីម្បីត្រួតពិនិត្យទៅលេីមុខសញ្ញា និងមធ្យោបាយ ។

ដោយមានការសង្ស័យសមត្ថកិច្ចបានធ្វេីតេស្តរកសារ ធាតុញៀន គឺ (វិជ្ជមានទាំងពីរនាក់) បន្ទាប់មកទើបធ្វេីការឃាត់ខ្លួនតាមបញ្ជាលោកវង្សប៊ុន វិសុទ្ធ ព្រះរាជអាជ្ញា នៃអយ្យការអមសាលាដំបូងខេត្តកំពង់ចាម ដេីម្បីកសាងសំណុំរឿងតាមនីតិវិធី៕

ដោយ៖ សូរិយា