សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្តពាក់ស្លាកលេខ ខេមរភូមិន្ទ លឿន បួងចង្កូតផ្លូវបត់មិនផុតជ្រុលបុក របាំងថ្មពុះចែកទ្រូងផ្លូវបណ្តាលឱ្យក្រឡាប់ផ្ងារជើង ។
ហេតុការណ៍នេះបានកើតឡើង កាលពីវេលាម៉ោង ០៧៖៤០នាទីយប់ ថ្ងៃទី០៥ ខែមករា ឆ្នាំ២០២៥ ស្ថិតតាមបណ្ដោយផ្លូវR8 ក្នុងតំបន់អភិវឌ្ឍន៍បឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ ។
តាមប្រភពព័ត៌មានពីបុរសជាសន្តិសុខបឹងកក់បានឲ្យដឹងថា មុនកើតហេតុគេឃើញបុរសម្នាក់បានបេីករថយន្ត មួយគ្រឿង ម៉ាក ឡិចស៊ីស RX400h ពាក់ស្លាក លេខ ខេមរភូមិន្ទ05 2-2246 តាមបណ្ដោយផ្លូវR8 ក្នុងទិសដៅពីជើងទៅត្បូង ក្នុងល្បឿនលឿន ខណៈមកដល់ចំណុចកើតហេតុ បុរសជាអ្នកបើករថយន្តបានបួងចង្កូត សង្ស័យមិនផុតជ្រុល បុកខឿន បណ្ដាលឲ្យរថយន្តក្រឡាប់ផ្ងារជេីង តែសំណាងល្អមិនបង្កអោយនរណារងរបួសឡើយ ។
ក្រោយពេលកេីតហេតុ ម្ចាស់រថយន្តឡិចសុីស បានសងសំណងទៅកាន់ក្រុមហ៊ុនដេីម្បីបញ្ចប់រឿងនៅនឹងកន្លែងកើតហេតុ ៕
ដោយ៖ សុខាសែនជ័យ
