នារីរូបស្រស់ បើករថយន្តព្រូសទាំងស្រវឹងស្រា រេចង្កូតទៅបុករបាំងថ្មពុះចែកទ្រូងផ្លូវបាក់ខ្ទាតប៉ះរថយន្តមួយគ្រឿងទៀតរងការខូចខាត

ភ្នំពេញ៖ នារីរូបស្រស់ម្នាក់ បានបើករថយន្តម៉ាកព្រូស ក្នុងល្បឿនយ៉ាងលឿន និងស្ថិតទាំងស្ថានភាពស្រវឹងផងនោះ ក៏រេចង្កូតជ្រុលទៅបុករបាំងថ្មរពុះចែកទ្រូងផ្លូវបណ្តាលឲ្យបាក់អស់ចំនួន២កង់ ហើយរបាំងថ្មដែកបាក់នោះបានខ្ទាតទៅប៉ះរថយន្តមួយគ្រឿងទៀត ដែលធ្វើដំណើរបញ្ច្រាសទឹសគ្នាបណ្តាលឲ្យរងការខូចខាតដែរ ។

ហេតុការណ៍នេះ បានកើតឡើងនៅវេលាម៉ោង៩យប់ ថ្ងៃទី៣១ ខែសីហា ឆ្នាំ២០១៦ តាមបណ្តោយផ្លូវសហព័ន្ធរុស្សី មុខក្រសួងការងារ ស្ថិតក្នុងសង្កាត់ទឹកល្អក់ ទី១ខណ្ឌទួលគោក រាជធានីភ្នំពេញ ។

រថយន្តបង្កម៉ាក តូយូតាព្រូស ពណ៌ទឹកប្រាក់ បើកដោយនារីម្នាក់មិនស្គាល់អត្តសញ្ញាណ ។

តាមសាក្សីនៅកន្លែងកើតហេតុបានអោយដឹងថា នៅមិនពេលកើតហេតុ គេបានរថយន្តបង្កម៉ាតូយូតាព្រូស បើកបរដោយនារីម្នាក់ ទាំងស្ថានភាពស្រវឹង ធ្វើដំណើរតាមបណ្តោយផ្លូវសហពន្ធ័រុស្សីក្នុងទឹសដៅពីកើតទៅលិច ខណៈមកដល់ចំណុចកើតហេតុក៏រេចង្កូតទៅបុកនឹងរបាំងថ្មពុះចែកទ្រូងផ្លូវបណ្តាលឲ្យបាក់អស់ចំនួន២កង់បណ្តាលឲ្យខ្ទាតទៅប៉ះចំរថយន្តម៉ាក់ឡង់គ្រីស័រ ពណ៌សំបកឪឡឹក ពាក់ស្លាកលេខ ភ្នំពេញ  2AE-5876 ដែលធ្វើដំណើរនៅចំណែកផ្លូវម្ខាងទៀត ក្នុងទិសដៅបញ្រ្ចាសទិសគ្នាបណ្តាលឲ្យរងការខូចខាតបែកកង់ទៅមុខលែងរួច  ។

ក្រោយពេលកើតហេតុ សមត្ថកិច្ចមូលដ្ឋានបានចុះមកដល់ចំណុចកើតហេតុ និងទំនាក់ទំនងទៅនគរបាលជំនាញចរាចរណ៍ជើងគោក ចុះមកវាស់វែងយករថយន្តទាំង២គ្រឿង រួមទាំងម្ចាស់រថយន្តបង្កទៅការិយាល័យចរាចរណ៍ជើងគោករង់ចាំដោះស្រាយតាមច្បាប់ ៕ ជីម ភារ៉ា ដង្កោ