សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បើកបររថយន្តម៉ាកព្រូសខ្វះការប្រុងប្រយ័ត្ន ខណៈចំណុចផ្លូវកែងមិនបន្ថយល្បឿន ជ្រុលទៅបុករថយន្តលេខនគរបាល បណ្តាលអោយប៉ើងទៅបុកផ្ទប់ជាមួយរបងផ្ទះប្រជាពលរដ្ឋ បង្កការខូចខាតយ៉ាងដំណំ ។
ហេតុការណ៍បានកើតឡើងកាលពីវេលាម៉ោង២យប់រំលងអធ្រាត្រឈានចូល ថ្ងៃទី២៥ ខែកុម្ភៈ ឆ្នាំ២០២៥ តាមបណ្ដោយផ្លូវព្រះនរោត្តម កែង១១៨ សង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ ។
តាមប្រភពព័ត៌មានពីពលរដ្ឋឃើញហេតុការណ៍បានប្រាប់អោយដឹងថា មានបុរសម្នាក់បេីករថយន្តមួយគ្រឿង ម៉ាក តូយ៉ូតា ព្រូស ពណ៌ស ពាក់ស្លាកលេខភ្នំពេញ 2BA-0159 តាមបណ្ដោយផ្លូវ១១៨ បើកលឿនដូចហោះ ក្នុងទិសដៅពីកេីតទៅលិច ខណៈមកដល់ចំណុចផ្លូវបំបែក បានបើកទៅបុករថយន្ត ឡិចស៊ីស RX350 ពាក់ស្លាកលេខនគរបាល 2-5922 តាមបណ្ដោយផ្លូវព្រះនរោត្តម ក្នុងទិសដៅពីជើងទៅត្បូង បណ្ដាលឲ្យរថយន្តព្រូស ខូចខាតផ្នែកខាងមុខ ចំណែកឯរថយន្ត ឡិចស៊ីស ខូចខាតផ្នែកខាងឆ្វេង ខ្ទាតទៅបុកផ្ទប់នឹងរបងផ្ទះពលរដ្ឋទៅមុខលែងរួច សំណាងល្អមិនបង្ករបួសដល់មនុស្ស ។
ក្រោយកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ធ្វេីការវាស់វែងយករថយន្តទៅរក្សាទុកដេីម្បីរង់ចាំដោះស្រាយនៅពេលក្រោយ ៕
ដោយ៖សុខាសែនជ័យ
លោកបណ្ឌិត ជា ចំរេីន ធ្វើដល់ទៅនាយកសាលារៀន” ជីអូ “អន្តរជាតិ បែរជាមានចារិកទុច្ចរិត បោកប្រាស់ គេចវេស មិនព្រមបង់ប្រាក់ទៅឱ្យម្ចាស់បុរី គឹម ធី២
