ដើម្បីពង្រីកទីផ្សារវត្ថុអនុស្សាវារីយ៍ទេសចរណ៍ពិសេស ទីក្រុងរបស់ចិនបានធ្វើដូចម្ដេចខ្លះ?

 ចិន​៖​ តំបន់ទេសចរDabazha នៃភូមភាគស៊ីនជាំង កាហ្វេនំប៉័ងដុតល្បីណាស់តាមបណ្តាញទំនាក់ទំនងសង្គម ដូច្នេះបានទាក់ទាញអ្នកទេសចរវ័យក្មេងចិនជាច្រើនទៅលេងកម្សាន្តនៅស៊ីនជាំង។​ នេះបេីយោងតាម​ការចេញផ្សាយរបស់គេហទំព័រ «CCFR China state-controlled media » ។ 

សេដ្ឋកិច្ចចិនបន្តរីកចម្រើន  ខណៈកម្រិតគុណភាពជីវភាពរស់នៅរបស់ ប្រជាជនចិនក៏កាន់តែល្អ ដូច្នេះហើយ អតិថិជនវ័យក្មេងរបស់ចិនយកចិត្តទុកដាក់កាន់តែខ្លាំងចំពោះគុណភាពនៃរបស់របរប្រើប្រាស់និងចំណាប់អារម្មណ៍នៃការប្រើប្រាស់  ដែលបានជំរុញឱ្យផលិតផលវប្បធម៌របស់ចិនមានការច្នៃប្រឌិតថ្មីកាន់តែច្រើនក្នុងល្បឿនលឿន។ 

      ប៉ុន្មានឆ្នាំចុងក្រោយនេះ  តំបន់ទេសចរបស់ចិនបានប្រើវិទ្យាសាស្ត្រឌីជីថល ដូចជា VR AI ជាដើម ដើម្បីផ្តល់សេវាវប្បធម៌និងទេសចរបែបវៃឆ្លាត ជួយអ្នកទេសចរយល់ដឹងវប្បធម៌ប្រពៃណីចិនតាមចក្ខុវិស័យខុសគ្នា។  ផលិតផលពិសេសនៃវប្បធម៌និងទេសចរចិនដែលល្បីខ្លាំងតាមបណ្តាញអ៊ីនធើណេតមានដូចជា ស្ទីគ័រទូទឹកកករបស់វាំងចាស់ ផ្ទាំងផ្គុំរូប 3D  របស់សំណង់ដីឥដ្ឋបុរាណខេត្តហុកគៀន តុក្កត្តាកាម្ងីនៅសារមន្ទីរខេត្តGansu  ជាដើម។

      គិតត្រឹមពេលនេះ ចិនបានអនុវត្តនយោបាយនិងវិធានការចំនួនជាង១១០ ដើម្បីផ្តល់ភាពងាយស្រួលដល់ជនបរទេសដែលមកធ្វើដំណើរនៅចិន ដែលខ្លឹមសារមានដូចជាការធ្វើទិដ្ឋការ ការប្រើប្រាស់ភាសា ការទូទាត់ និងការធ្វើដំណើរជាដើម  អ្នកទេសចរអន្តរជាតិកាន់តែច្រើនឡើងៗមកកាន់ប្រទេសចិន ដើរកម្សាន្តម្តងហើយមកម្តងទៀត។    មិនថាលោកអ្នកចូលចិត្តវប្បធម៌  ម្ហូបអាហារឆ្ងាញ់ៗ កីឡាទឹកកក  ឬមានតម្រូវការខាងថែទាំសុខភាព ចង់នាំកូនៗទៅដើរលេង ឬចង់ទស្សនាការប្រគុំតន្ត្រី ឬចូលចិត្តការតុបតែងខ្លួន  វិស័យវប្បធម៌និងទេសចររបស់ចិនបន្តផ្តល់ផលប្រយោជន៍ដល់សាធារណជន ដើម្បីជួយបន្ថែមភាពល្អបវរដល់ជីវភាពរស់នៅប្រចាំថ្ងៃរបស់មនុស្សគ្រប់រូប៕

ដោយ​៖ តារា​