សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ រថយន្តស៊េរីទំនើប ម៉ាក Lamborghini ០១គ្រឿង ពាក់ស្លាកលេខ កម្ពុជា C.L.BOZZ ពណ៍បៃតង ដែលគេស្គាល់ថាមានតម្លៃរាប់សែនដុល្លារ សង្ស័យឆ្លងចរន្តភ្លើងឆេះខ្ទេចស្ទើរទាំងស្រុង បង្កការភ្ញាក់ផ្អេីលដល់ប្រជាពលរដ្ឋនាំគ្នារាយការណ៍ប្រាប់សមត្ថកិច្ចចុះមកអន្តរាគមន៍បាញ់ពន្លត់ភ្លាមៗ។
ហេតុការណ៍នេះ បានកេីតឡេីងនៅរសៀលថ្ងៃទី២២ ខែមីនា ឆ្នាំ២០២៥ នៅម្តុំជិតស្ពានវត្តអូរត្រេះ ស្ថិតក្នុងសង្កាត់លេខ៤ ក្រុងព្រះសីហនុ។
ចំពោះមុខ កម្លាំងជំនាញ នៃការិយាល័យជំនួយមនុស្សធម៌ និងសង្គ្រោះគ្រោះមហន្តរាយ កងរាជអាវុធហត្ថខេត្ត និងមូលដ្ឋានកងរាជអាវុធហត្ថក្រុងព្រះសីហនុ សហការជាមួយកម្លាំងសមត្ថកិច្ចចម្រុះ ចេញជួយអន្តរាគមន៍បាញ់ទឹកពន្លត់ភ្លើងនៅទីតាំងកើតហេតុ និងបច្ចុប្បន្នអគ្គិភ័យត្រូវបានរលត់ទាំងស្រុងហើយ៕
ដោយ៖ តារា
