សារព័ត៌មាន នគរវត្ត តែងតែនាំមុខគេជានិច្ច
ភ្នំភ្លើង Kilauea នៅរដ្ឋហាវ៉ៃ (សហរដ្ឋអាមេរិក) ដែលជាភ្នំភ្លើងសកម្មបំផុតមួយក្នុងពិភពលោក បានផ្ទុះឡើងម្តងទៀតនៅថ្ងៃត្រង់ថ្ងៃទី 25 ខែមីនា (ម៉ោងក្នុងតំបន់) ដែលជាការបន្តនៃសកម្មភាពភូគព្ភសាស្ត្រដ៏ច្របូកច្របល់ចាប់តាំងពីចុងឆ្នាំមុន។ក្រុមសង្កេតការណ៍ភ្នំភ្លើងហាវ៉ៃបាននិយាយថា កម្អែលភ្នំភ្លើងបានផ្ទុះចេញពីការប្រេះស្រាំនៅក្នុងរណ្ដៅភ្នំភ្លើង Kilauea ។ ទោះបីជាមានការផ្ទុះដ៏ខ្លាំងក្លាក៏ដោយ លំហូរកម្អែភ្នំភ្លើងនៅតែស្ថិតនៅជាប់តំបន់ឧទ្យានជាតិភ្នំភ្លើង Hawaii ដោយមិនបង្កការគំរាមកំហែងដល់តំបន់លំនៅដ្ឋាននៅក្បែរនោះទេ។
ចាប់តាំងពីថ្ងៃទី 23 ខែធ្នូ ឆ្នាំ 2024 មក ភ្នំភ្លើង Kilauea បាននិងកំពុងផ្ទុះជាបន្តបន្ទាប់ក្នុងរយៈពេលខ្លី រាល់ពេលដែលវា “ភ្ញាក់” វាបាញ់ស្រទាប់កម្អែភ្នំភ្លើងដ៏ធំទៅលើអាកាស បង្កើតជាទស្សនីយភាពដ៏អស្ចារ្យដែលទាក់ទាញអ្នកទេសចរជាច្រើនឱ្យកោតសរសើរ។ យ៉ាងណាមិញ សម្រស់នោះក៏លាក់បាំងនូវគ្រោះថ្នាក់ដែលមិនអាចទាយទុកមុនបានដែរ។
ការផ្ទុះចុងក្រោយបំផុតគឺជាការផ្ទុះលើកទី 15 នៃការផ្ទុះជាបន្តបន្ទាប់របស់ Kilauea ជាមួយនឹងវដ្តដែលមិនប្រក្រតីដែលបានធ្វើឱ្យអ្នកវិទ្យាសាស្ត្រខ្វាយខ្វល់។ ការផ្ទុះដ៏ខ្លីបំផុតមានរយៈពេលត្រឹមតែ ១៣ ម៉ោងប៉ុណ្ណោះ ខណៈដែលរយៈពេលយូរបំផុតមានដល់ទៅ ៨ ថ្ងៃ។ ភាពស្ងប់ស្ងាត់រវាងការផ្ទុះក៏មានចន្លោះពី 24 ម៉ោងទៅ 12 ថ្ងៃដែលធ្វើឱ្យការទស្សន៍ទាយសកម្មភាពរបស់ Kilauea ពិបាកខ្លាំងណាស់។
Kilauea គឺជាភ្នំភ្លើងសកម្មមួយក្នុងចំណោមភ្នំភ្លើងសកម្មចំនួន 5 នៅកោះហាវ៉ៃ ហើយក៏ជាភ្នំភ្លើងសកម្មបំផុតរបស់រដ្ឋផងដែរ។ មានទីតាំងនៅលើកោះធំ Kilauea បានឃើញការផ្ទុះដ៏គួរឱ្យចងចាំជាច្រើន ដោយបន្សល់ទុកនូវសញ្ញាដ៏ជ្រៅមួយអំពីប្រវត្តិសាស្ត្រភូមិសាស្ត្រក្នុងតំបន់។ ក្រៅពី Kilauea កោះធំមួយទៀតក៏មានភ្នំភ្លើង Mauna Loa ដែលជាផ្នែកមួយនៃកោះហាវ៉ៃ ហើយថ្មីៗនេះបានផ្ទុះឡើងក្នុងឆ្នាំ 2022 ដែលបង្ហាញពីសកម្មភាពភូមិសាស្ត្រដ៏ខ្លាំងក្លារបស់តំបន់នេះ៕ ដោយ៖ ធីរីណា
រូបថត៖ TTXVN
