សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកវរសេនីយ៍ឯក ស៉ឹម ពិសិដ្ឋ អធិការនគរបាលខណ្ឌទួលគោកបានឱ្យដឹងនៅរសៀលថ្ងៃទី០១ ខែមេសា ឆ្នាំ២០២៥នេះថា៖ កម្លាំងជំនាញផ្នែកយុត្តិធម៌ខណ្ឌ បានចុះស្រាវជ្រាវរហូតឈានដល់ការបង្រ្កាបនិងឃាត់ខ្លួនស្រ្តីម្នាក់ពីបទ៖ លួច (លួចកាបូបស្ពាយពណ៌ខ្មៅមានទឹកប្រាក់ចំនួន២,៥០០,០០០រៀល (ពីរលានប្រាំសែនរៀល) និងវិក្កយប័ត្រទិញ-លក់សាច់ជ្រូកមួយចំនួន) ដែលកើតហេតុនៅក្នុងមូលដ្ឋានសង្កាត់ផ្សារដើមគ ខណ្ឌទួលគោក រាជធានីភ្នំពេញ ។
ប្រភពដដែលបន្តថា ជនសង្ស័យឈ្មោះ រឿន ធឿន ហៅ នឿន ភេទស្រី អាយុ៤៣ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ផ្លូវលំ សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ។ ជនរងគ្រោះឈ្មោះ ណុប ណី ភេទស្រី អាយុ៥២ឆ្នាំ ជនជាតិខ្មែរ មុខរបរ លក់សាច់ជ្រូក ស្នាក់នៅផ្ទះលេខ០៨A ផ្លូវលេខ២៣៥ ក្រុមទី១២ ភូមិ០៣ សង្កាត់ផ្សារដើមគ ខណ្ឌទួលគោក រាជធានីភ្នំពេញ ។
សូមជម្រាបថា កាលពីថ្ងៃទី៣១ ខែមីនា ឆ្នាំ២០២៥ម្សិលមិញនេះ កម្លាំងសមត្ថកិច្ចប៉ុស្តិ៍នគរបាលរដ្ឋបាលផ្សារដើមគ នៃអធិការដ្ឋាននគរបាលខណ្ឌទួលគោក បានធ្វើការស្រាវជ្រាវឃាត់ខ្លួនជនសង្ស័យ០១នាក់ពីបទ៖ លួច (លួចកាបូបស្ពាយពណ៌ខ្មៅមានទឹកប្រាក់ចំនួន២,៥០០,០០០រៀល (ពីរលានប្រាំសែនរៀល) និងវិក្កយប័ត្រទិញ-លក់សាច់ជ្រូកមួយចំនួន) ដោយស្រាវជ្រាវឃាត់ខ្លួនបាននៅចំណុចបណ្តោយផ្លូវលេខ២១៧ ភូមិ០៣ សង្កាត់ផ្សារដើមគ ខណ្ឌទួលគោក រាជធានីភ្នំពេញ ដែលបានប្រព្រឹត្តបទល្មើសនៅចំណុចមុខផ្ទះលេខ០៨A ផ្លូវលេខ២៣៥ ក្រុមទី១២ ភូមិ០៣ សង្កាត់ផ្សារដើមគ ខណ្ឌទួលគោក រាជធានីភ្នំពេញ កាលពីថ្ងៃទី២៨ ខែមីនា ឆ្នាំ២០២៥ វេលាម៉ោងប្រហែល០៥:១០នាទីព្រឹក ។
ចំណែកសម្ភារៈចាប់យកពីជនសង្ស័យ(គ្មាន)។ រីឯសម្ភារៈបាត់បង់៖ កាបូបស្ពាយពណ៌ខ្មៅមានទឹកប្រាក់ចំនួន២,៥០០,០០០រៀល (ពីរលានប្រាំសែនរៀល) និងវិក្គយប័ត្រទិញ-លក់សាច់ជ្រូកមួយចំនួន ។
បច្ចុប្បន្ន ជនសង្ស័យខាងលើកំពុងឃាត់ខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌទួលគោក ដើម្បីសាកសួរ និងចាត់ការបន្តតាមនីតិវិធី៕
ដោយ៖ តារា
