🔥ឆ្លងចរន្តអគ្គិសនីឆេះរោងសិប្បកម្មមួយកន្លែងទាំងយប់នៅខណ្ឌដង្កោ

ភ្នំពេញ៖​ អគ្គិភ័យបានឆាបឆេះរោងសិប្បកម្មកែច្នៃតុទូមួយកន្លែងយ៉ាងសន្ធោសន្ធៅបណ្តាលឱ្យរងការខូចខាតទាំងស្រុង បង្កការភ្ញាក់ផ្អេីលដល់បងប្អូនប្រជាពលរដ្ឋរាយការណ៍ទៅសមត្ថកិច្ចចុះមកអន្តរាគមន៍​កាលពីវេលាម៉ោង២រំលងអធ្រាត្រឈានចូលថ្ងៃទី៦​ ខែមេសា​ ឆ្នាំ២០២៥​ នៅភូមិម័ល​ សង្កាត់ដង្កោ​ ខណ្ឌដង្កោ។ 

ម្ចាស់ទីតាំងឈ្មោះថេង យៀត ភេទប្រុស អាយុ៣៥ឆ្នាំ​ មុខរបរម្ចាស់សិប្បកម្មធ្វើតុ ទូ។

ទីតាំងខាងលេីជាប្រភេទសំណង់ថ្មប្រក់ស័ង្កសី ទំហំ ២០ម៉ែត្រx២០ម៉ែត្រ។ 

តាមប្រភពព័ត៌មានពីកម្មករបានឱ្យដឹងថា​ ទីតាំងខាងលេីជារោងសិប្បកម្ម្មកែច្នៃតុ​ ទូ​ ឈេី​ តែនៅថ្ងៃមុនកេីតហេតុគឺទីតាំងខាងលេីមិនមានកម្មករធ្វេីការនោះទេ​ លុះមកដល់វេលាកេីតហេតុស្រាប់តែឃេីញមានអណ្តាតភ្លេីងឆាបឆេះយ៉ាងសន្ធោសន្ធៅ ភ្លាមនោះបានបង្កការភ្ញាក់ផ្អេីលដល់កម្មករនិងបងប្អូនប្រជាពលរដ្ឋនាំគ្នាជួយយកទឹកជះពន្លត់ តែដោយសារស្ថានភាពភ្លេីងឆេះខ្លាំងពេកក៏រាយការណ៍ទៅសមត្ថកិច្ចចុះអន្តរាគមន៍ភ្លាមៗ។ 

ក្នុងរវង្វង់ប្រតិបត្តិការខាងលេីនេះកម្លាំងសមត្ថកិច្ចប្រេីប្រាស់រថយន្តអគ្គិភ័យ ចំនួន០៥គ្រឿង ប្រើប្រាស់ទឹកអស់ចំនួន១០ឡាន ស្មើនឹង៤២ម៉ែត្រគូប ដោយពន្លត់ចប់នៅម៉ោង ០៤និង០៥នាទី ថ្ងៃខែឆ្នាំដដែល។

ចំពោះមូលហេតុបណ្តាលមកពីឆ្លងចរន្តអគ្គិសនី៕

ដោយ៖ សុខាសែនជ័យ