ដុតភ្លើងធូបចោលជិតសំបុកមាន់ បណ្តាលឲ្យឆេះរាលអស់ផ្ទះ០១ខ្នងនៅស្រុកបាណន់

ខេត្តបាត់ដំបង៖ ផ្ទះ០១ខ្នងត្រូវបានអគ្គិភ័យឆាបឆេះអស់ទាំងស្រុង ខណៈពេលម្ចាស់ដុតភ្លើងធូបចោលជិតសំបុកមាន់រួចទុកចោល។

ហេតុការណ៍គ្រោះអគ្គិភ័យខាងលើនេះបានកើតឡើងនៅវេលាម៉ោង ២៤និង០០នាទីរំលងអធ្រាត្រឆ្លងចូល ថ្ងៃទី១៥ខែមិថុនា ឆ្នាំ២០២៥ នៅចំណុចបឹងផ្តៅ ស្ថិតក្នុងភូមិឆាយរំពាត់ ឃុំកន្ទឺ២ ស្រុកបាណន់ ខេត្តបាត់ដំបង។

ករណីអគ្គិភ័យកើតឡើងនេះដែរបណ្តាលឱ្យឆេះផ្ទះ០១ ខ្នងទំហំ ៨ម៉ែត្រx៧ម៉ែត្រ ធ្វើអំពីឈើប្រក់ស័ង្កសីឆេះអស់ទាំងស្រុង។ សរុបជាទឹកប្រាក់អស់ចំនួនប្រហែល ២០.០០០ដុល្លារ (ពីរមុឺនដុល្លារ)ដែលមានម្ចាស់ផ្ទះ ឈ្មោះ សឿន មុិប ភេទប្រុស អាយុ៥៨ឆ្នាំ រស់នៅភូមិឆាយរំពាត់ ឃុំកន្ទឺ២ ស្រុកបាណន់ ខេត្តបាត់ដំបង។

នៅក្នុងហេតុការណ៍គ្រោះអគ្គិភ័យនេះដែរសមត្ថកិច្ចមិន បានចេញរថយន្តពន្លត់អគ្គិភ័យទេ ដោយសារទទួលបានដំណឹងយឺតពេល៕

ដោយ៖ សូរិយា