សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មនុស្សចំនួន៦នាក់ ដែលញៀន និងល្បែងសុីសងហ្គេមបាញ់ត្រី និងនាំគ្នាប្រើប្រាស់គ្រឿងញៀននៅក្នុងទីតាំងផ្ទះហ្គេមបាញ់ត្រីដុសស្លែមួយកន្លែង ត្រូវបានកំលាំងរបស់អធិការដ្ឋាននគរបាលខណ្ឌសែនសុខបង្ក្រាប និងឃាត់ខ្លួនបានកាលពីវេលាម៉ោង ២២និង០០នាទីយប់ថ្ងៃទី១៤ខែកញ្ញាឆ្នាំ២០១៦ ក្រុមទី១៣ ភូមិគោកឃ្លាងសង្កាត់ភ្នំពេញថ្មី ខណ្ឌសែនសុខ ។
ការចុះបង្ក្រាបនេះដឹកនាំដោយលោកវរសេនីយ៍ឯក ម៉ក់ ហុង អធិការនគរបាលខណ្ឌសែនសុខ និងដោយមានការឯកភាពពីលោកព្រះរាជអាជ្ញារង ចែ សុង និងកំលាំងនគរបាលប៉ុស្តិ៍ភ្នំពេញថ្មីជាច្រើននាក់ទៀត ។
លោក ម៉ក់ ហុង បានអោយដឹងថា បន្ទាប់ពីទទួលបានព័ត៌មានពីប្រជាពលរដ្ឋល្អថា ទីតាំងខាងលើនេះមានលួចលាក់នៅល្បែងសុីសងហ្គេមបាញ់ត្រីនិងមានអ្នកប្រើប្រាស់គ្រឿងញៀនទើបលោកសុំគោលការពីលោកព្រះរាជអាជ្ញារងរាជធានីភ្នំពេញចុះបង្ក្រាបបានជាក់ស្តែងនិងឃាត់ខ្លួនមនុស្សចំនួន ៤នាក់ ហើយសមត្ថកិច្ចដកហូតទូរហ្គេមបាញ់ត្រីបានចំនួន២ទូនិងឧបករណ៍សំរាប់ជក់គ្រឿងញៀនមួយចំនួន។ ជនសង្ស័យដែលឃាត់ខ្លួនមានឈ្មោះទី ១-លឹម សុធី ភេទប្រុស អាយុ ៣៥ឆ្នាំ មុខរបរបុគ្គលិកហ្គេមបាញ់ត្រី, ២-ហ៊ុល សៅ ភេទប្រុស អាយុ៣១ឆ្នាំ មុខរបរលក់ដូរ, ៣-សាយ ចន្ថា ភេទប្រុស អាយុ២២ឆ្នាំ មុខរបរបុគ្គលិកហ្គេមបាញ់ត្រី, ៤-យ័ន តេង ភេទប្រុស អាយុ២៩ឆ្នាំ មុខរបរបុគ្គលិកហ្គេមបាញ់ត្រី ។
បច្ចុប្បន្នជនសង្ស័យទាំង៤នាក់ រួមជាមួយនឹងវត្ថុតាងកំពង់ឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌ ដើម្បីចាត់ការតាមនិតិវិធី៕ តុង សីហា
