សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូម៉ាកស៊ីរូស បុករថយន្តហាយឡេនឌ័រពីមុខ បញ្រាសគ្នាពេញទំហឹង លើផ្លូវបំបែកជា៤ កាលពីវេលាម៉ោង១០និង១០នាទីព្រឹក ថ្ងៃទី២០ ខែកញ្ញាឆ្នាំ២០១៦ ក្នុងភូមិវាលយន្តសង្កាត់_ក្រុងស្វាយរៀង មូលហេតុម៉ូតូ មិនប្រកាន់ស្ដាំបត់ចូលផ្លូវរថយន្ត ។
បើតាមសាក្សីបានឲ្យដឹងថា មុនពេលកើតហេតុ មានម៉ូតូមួយគ្រឿងម៉ាក់ស៊ីរូស ពណ៌ខ្មៅ អត់ស្លាកលេខបើកបរដោយបុរសម្នាក់មិនស្គាល់ឈ្មោះ ធ្វើដំណើរពីលិចមកកើត ដល់ផ្លូវបំបែកជា៤ ហើយក៏បានបត់ឆ្វេងស្រាប់តែមានរថយន្តម៉ាកហាយឡេនឌ័រ ពណ៌ស្ករ ពាក់ស្លាកលេខ ភ្នំពេញ ២W ៩៥៨៧ បើកដោយបុរសម្នាក់មិនត្រូវបានស្គាល់អត្តសញ្ញាណ បត់ឆ្វេងពីជើងមកលិចចាប់ហ្វ្រាំងមិនទាន់ ក៏បុកជាមួយម៉ូតូ និងមនុស្សតែម្ដង។
ក្រោយមកប្រជាពលរដ្ឋ និងអ្នកធ្វើដំណើរនាំគ្នាជួយលើកបុរសអ្នកបើកម៉ូតូធ្វើចលនាដៃជើង ខណៈអ្នកបើករថយន្តបានចុះមកមកពិនិត្យមើលរថយន្ត និងម៉ូតូដោយមិនទាមទារសំណងខូចខាតអ្វីនោះទេ គ្រាន់តែឈរគ្រវីក្បាលថា ពិតជាស៊យមែន ។
ប្រមាណ១៥នាទីក្រោយមក សមត្ថកិច្ចនគរបាលចរាចរណ៍ក្រុងមកដល់ និងបានសម្របសម្រួលភាគីទាំងសងខាង ខណៈអ្នកបើករថយន្តចិត្តធម៌ដោយមិនរំខានដល់សមត្ថកិច្ចការវាស់វែងយកទៅអធិការនគរបាលក្រុងស្វាយរៀងនោះទេ ៕ យឹម សុថាន
