សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជន២នាក់បានជិះម៉ូតូឌុបគ្នាធ្វេីដំណេីរឆ្លងផ្លូវមិនប្រយ័ត្នក៏ត្រូវបានរថយន្តបេីកបុកពេញទំហឹងបណ្តាលឱ្យរងរបួសធ្ងន់ត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈ។
ហេតុការណ៍នេះបានកេីតឡេីងកាលពីវេលាម៉ោង១២និង១១នាទីថ្ងៃទី២០ខែសីហា ឆ្នាំ២០២៥ នៅតាមផ្លូវក្រវ៉ាត់ក្រុងទី៣ ភូមិគោកខ្សាច់ សង្កាត់ភ្លេីងឆេះរទេះ ខណ្ឌកំបូល រាជធានីភ្នំពេញ។
ជនរងគ្រោះទី១មានឈ្មោះគាន វិសាល ភេទប្រុស អាយុ១៨ឆ្នាំ (របួសរលាត់មុខនិងបាក់កជេីងស្តាំ)មានអាស័យដ្ឋាននៅភូមិព្រៃជ្រៅ ឃុំសណ្តារ ស្រុកលេីកដែក ខេត្តកណ្តាល។
ជងរងគ្រោះទី២មានឈ្មោះមុត មករា ភេទប្រុស អាយុ២១ឆ្នាំ(របួសរលាត់ជង្គង់ឆ្វេង)មានអាស័យដ្ឋាននៅភូមិបែកចាន ឃុំបែកចាន ស្រុកអង្គស្នួល ខេត្តកណ្តាល។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញជនរងគ្រោះជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ1CA 3224 ធ្វេីដំណេីរឆ្លងផ្លូវក្រវ៉ាត់ក្រុងទី៣ក្នុងទិសដៅពីកេីតទៅលិចលុះមកដល់ពាក់កណ្តាលផ្លូវស្រាប់តែមានរថយន្តព្រុសមួយគឿង ពណ៌ទឹកប្រាក់ ពាក់ស្លាកលេខភ្នំពេញ2BG 0759. បេីកលឿនជ្រុលបុកពេញទំហឹងបណ្តាលឱ្យអ្នកជិះម៉ូតូរងរបួសធ្ងន់ ភ្លាមនោះរថយន្តបង្កបានព្យាយាមបេីកគេចខ្លួនតែត្រូវបានសមត្ថកិច្ចដេញឃាត់បានមកវិញ។
ក្រោយកេីតហេតុជនរងគ្រោះត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈ ។ ចំណែករថយន្តនិងម៉ូតូត្រូវបានសមត្ថកិច្ចធ្វេីការវាស់វែងយកទៅរក្សាទុករងចាំដោះស្រាយពេលក្រោយ៕ដោយ៖សុខាសែនជ័យ
