បរុសម្នាក់ត្រូវសមត្ថកិច្ចឃាត់ខ្លូនពីបទរក្សាទុក និងប្រេីប្រាស់គ្រឿងញៀន 

 
ខេត្តរតនគិរី៖ បុរសម្នាក់ត្រូវសមត្ថកិច្ចឃាត់ខ្លួនពីបទដឹកជញ្ជូន រក្សាទុកចែកចាយ និងប្រើប្រាស់នូវសារធាតុញៀន ក្នុងក្រុងបានលុង ។ 
 
ការចុះឃាត់ខ្លួនសង្ស័យខាងលើនេះ នៅវេលាម៉ោង៨និង០០នាទីយប់ ថ្ងៃទី ២ ខែតុលា ឆ្នាំ ២០១៦ កម្លាំងប៉ុស្ដិ៍នគរបាលរដ្ឋបាលសង្កាត់ឡាបានសៀកបានឃាត់ខ្លួនជនសង្ស័យម្នាក់ ឈ្មោះ ឆេង ផាត ភេទ ប្រុស អាយុ 34 ឆ្នាំ ជនជាតិ ខ្មែរ ដែលប្រព្រឹត្តនូវករណី រក្សាទុក ដឹកជញ្ជូន  ឬ ជួញដូរដោយខុសច្បាប់នូវសារធាតុញៀន ស្ថិតក្នុងភូមិជ័យជំនះសង្កាត់ឡាបានសៀក ក្រុងបានលុង ខេត្តរតនគិរី។ 
 
សមត្ថកិច្ចដកហូតបានម្សៅក្រាមពណ៌ស ថ្លា (សង្ស័យជាសារធាតុញៀន)ចំនួន 02 កញ្ចប់តូច ។ 
 
បច្ចុប្បន្នជនសង្ស័យត្រូវបានឃាត់ខ្លួននៅប៉ុស្ដិ៍នគរបាលរដ្ឋបាលសង្កាត់ឡាបានសៀកដើម្បីកសាងសំណុំរឿងបញ្ជូនទៅសាលាដំបូងខេត្តរតនគិរីនៅថ្ងៃទី៤ ខែតុលា ឆ្នាំ២០១៦  ៕ វុទ្ធឦសាន