សារព័ត៌មាន នគរវត្ត តែងតែនាំមុខគេជានិច្ច
ស្ពានកញ្ចក់នៅក្នុងប្រទេសចិន បានទាក់ទាញភ្ញៀវទេសចរជាច្រើន មកពីជុំវិញពិភពលោក ដោយអ្នកទេសចរមានអារម្មណ៍ចម្លែក ប្រៀបដូចជាដើរនៅលើលំហអាកាស ពេលមើលចុះក្រោម មានតែជ្រលងភ្នំយ៉ាងជៅប៉ុណ្ណោះ ដែលគួរឲ្យស្ញើបខ្លាំងណាស់ ។ ប៉ុន្តែស្ពានដែលវែងជាងនិងខ្ពស់ជាងគេបំផុតនេះត្រូវបានបិទទ្វារជាបណ្តោះអាសន្ន ដើម្បីបង្កើតទីតាំងបន្ថែមទៀតទទួលភ្ញៀវទេសចរ ។
អ្នកនាំពាក្យទទួលបន្ទុកផ្នែកទេសចរណ៍ខេត្តហ៊ូណានបាននិយាយថា ការសម្រេច ចិត្តត្រូវបានធ្វើឡើងមិនមែនដោយសារតែការខ្លាចមានគ្រោះថ្នាក់ដោយសារស្ពាននេះទ េប៉ុន្តែជាការកើនឡើងនៃអ្នកទេសចរធ្វើដំណើរមកកាន់ទីនេះច្រើនហួសហេតុពេកដែលចាំបាច់អាជ្ញាធរត្រូវបិទវាសិន
ដើម្បីកែលម្អសម្ភារប្រើប្រាស់ទីកន្លែងទទួលភ្ញៀវដូចជាលក់សំបុត្រនិងកន្លែងចតឡានជាដើមឡើងវិញនៅថ្ងៃខាងមុខ។
ប៉ុន្តែទោះបីជាយ៉ាងណាក្តីបើកមិនទាន់បាន២អាទិត្យស្រួលបួលផងស្ពានមួយនេះត្រូវបានអាជ្ញាធរប្រកាសបិទទៅវិញ និងប្រកាសថា នឹងបើកវិញរហូតទាល់តែ មានការបញ្ជាក់សាជាថ្មីដែលវាបានធ្វើឲ្យភ្ញៀវទេសចរនិងប្រជាជនចិនជាច្រើនងឿងឆ្ងល់យ៉ាងខ្លាំងទៅលើបញ្ហានេះ ។
ស្ពានកញ្ចក់មួយខ្សែដែលមានកម្ពស់ខ្ពស់និងវែងបំផុតនៅលើពិភពលោកត្រូវបានសាងសង់ឡើងនៅក្នុងខេត្តហ៊ូណាន ប្រទេសចិន ។ វាត្រូវបានសាងសង់រួចរាល់និងបើកសម្ពោធជាផ្លូវការភ្លាមសម្រាប់បម្រើសេចក្តីត្រូវការភ្ញៀវទេសចរដែលធ្វើដំណើរមកពីជុំវិញពិភពលោកដើម្បីគយគន់មើលទេសភាពពីលើស្ពានកញ្ចក់ ៕ ម៉ែវ សាធី
