ព្រឹកនេះ កម្ពុជាស្វាគមន៍«ទេសចរអន្តរជាតិ»ជិត៣០០០នាក់ចូលចតកំពុងផែស្វ័យតក្រុងព្រះសីហនុ

ខេត្តព្រះសីហនុ ៖ នៅវេលាម៉ោង៧:០០ នៅព្រឹកថ្ងៃទី២៩ ខែធ្នូ ឆ្នាំ២០២៥នេះ នាវាឈ្មោះ Diamond Princess សញ្ជាតិ BERMUDA ចូលចតនៅកំពង់ផែក្រុងព្រះសីហនុ និង ចេញដំណើរទៅវិញនៅវេលាម៉ោង ១៦:០០ ថ្ងៃខែឆ្នាំដដែល  មកពីប្រទេសវៀតណាម និង ចេញទៅប្រទេសថៃបន្ត ។

មានអ្នកដំណើរសរុបចំនួន ២៨៥០ នាក់ (ស្រី ១៥៦៦ នាក់, មាន ៥២ សញ្ជាតិ) ចំនួនសញ្ជាតិដែលមានភ្ញៀវច្រើនជាងគេមាន AUSTRALIA: ៨២៤ នាក់ USA: ៧៩៧ នាក់ ក៍មានភ្ញៀវមកពីសៀមរាប ចេញតាមនាវាចំនួន: ៤ នាក់ (ស្រី ២ នាក់, មាន ២ សញ្ជាតិ)។ 

ក្នុងនោះនាវិកសរុប៖  ១០៥១ នាក់ (ស្រី ២៤៥ នាក់, មាន ៥១ សញ្ជាតិ)លក្ខណៈបច្ចេកទេសនាវា ប្រវែងបណ្ដោយ ២៨៨.៣៣ ម៉ែត្រ ប្រវែងទទឹង  ៣៧.៥០ ម៉ែត្រ ជម្រៅទឹក ៨.៥ ម៉ែត្រ ៕

ដោយ ៖ សិលា