សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ មន្ត្រីនគរបាលខេត្តកំពង់ស្ពឺបានឱ្យដឹងនៅថ្ងៃទី 29 ខែមីនានេះថា ស្មៀនឃុំដែលបើកបរបង្កគ្រោះថ្នាក់ចរាចរណ៍នោះមានជាតិស្រវឹង០,៩២mg/L ដែលជាបរមាណខ្ពស់បំផុត។ ករណីគ្រោះថ្នាក់ចរាចរណ៍ កណ្ដាលក្រុងច្បារមន(រង្វង់មូលវិមានឯករាជ្យ)បណ្ដាលឱ្យម្នាក់ស្លាប់ភ្លាមៗនៅនឹងកន្លែងកេីតហេតុនិងម្នាក់ ទៀតរងរបួសស្រាល ក្នុងករណីរថយន្តបុកម៉ូតូពីក្រោយកាលពីវេលាម៉ោង១៨និង៣០នាទី ថ្ងៃទី២៧ ខែមីនា ឆ្នាំ២០២៦ លើផ្លូវលេខ១៤៣ ស្ថិតនៅភូមិទួលគក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។
តាមការបញ្ជាក់ពីសមត្ថកិច្ច នៅមុនពេលកើតហេតុគេបានឃេីញរថយន្តមួយគ្រឿង ម៉ាក TOYOTA RALLY ពណ៌ស ផ្លាកលេខ ភ្នំពេញ 2BK-9781 ដែលអ្នកបើកបរមានឈ្មោះ មិន ហេង ភេទប្រុស អាយុ៥៦ឆ្នាំ រស់នៅភូមិគោក ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ មុខរបរស្មៀនឃុំ បានបើកបរពីទិសខាងត្បូង ឆ្ពោះទៅទិសខាងជើង លុះមកដល់ចំណុចកើតហេតុបានជ្រុលទៅបុកម៉ូតូពីក្រោយ ម៉ូតូទី១ ម៉ាក HONDA DREAM 125CC ពណ៍ខ្មៅ ផ្លាកលេខ កំពង់ស្ពឺ 1F-6117 អ្នកបើកបរឈ្មោះ ទឹម សារ៉េត ភេទប្រុស អាយុ ៤៥ឆ្នាំ (ស្លាប់នៅនឹងកន្លែង) រស់នៅភូមិអំពែភ្នំ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ និងម៉ូតូទី២ ម៉ាក HONDA BEAT 110CC ពណ៌ខ្មៅ ផ្លាកលេខភ្នំពេញ 1KG-2661 អ្នកបើកបរឈ្នោះ សែម ស្រីទី ភេទស្រី អាយុ ២៧ឆ្នាំ រងរបួសស្រាល រស់នៅភូមិត្រស់សាលា សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ បើកបរក្នុងទិសដៅស្របគ្នា ។
ក្រោយហេតុការណ៍សមត្ថកិច្ចនគរបាលចរាចរណ៍ បានចុះទៅដល់កន្លែងកេីតហេតុ និងបានចំណាត់ការធ្វេីការឃាត់ខ្លួនអ្នកបេីកបររថយន្ដខាងលេី និងបានបញ្ជូនមកការិយាល័យចរាចរណ៍ផ្លូវគោក ខេត្ដកំពង់ស្ពឺដេីម្បី ចាត់ការតាមនីតិវិធី រីឯអ្នករងរបួសត្រូវបានបញ្ជូនទៅកាន់មន្ទីរពេទ្យខេត្ដ ចំពោះសពបានប្រគល់ជូនក្រុមគ្រួសារនៃសពដេីម្បីធ្វេីបុណ្យតាមប្រពៃណី ៕
