ឃាត់ខ្លួនជនសង្ស័យ៣នាក់(គេចខ្លួនបីនាក់)ករណីក្មេងទំនើងបង្កហិង្សានិងធ្វើឲ្យខូចខាតដោយចេតនានៅក្រុងតាខ្មៅ

ខេត្តកណ្តាល៖ សេចក្តីបំភ្លឺព័ត៌មាន ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្ត កណ្តាល មានកិត្តិយសសូមជម្រាប ជូនសាធារណជនមេត្តាជ្រាប ថ្មីនេះៗបណ្តាញសង្គម ចុះផ្សព្វផ្សាយជា បន្តបន្ទាប់វីដេអូ  (បង្កឡើងករណីហិង្សាដោយ ចេតនានិងធ្វើឲ្យខូចខាតដោយចេតនាក្មេងទំនើង) ចំណុចក្រោយសាលារៀនសុវណ្ណភូមិ ស្ថិតនៅភូមិតាខ្មៅ២ សង្កាត់តាខ្មៅ ក្រុងតាខ្មៅ ខេត្តកណ្តាល។

ក្រោយពីទទួលបានព័ត៌មានខាងលើ ដោយអនុវត្តតាមបទបញ្ជា លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល លោកអធិការនគរបាលក្រុងតាខ្មៅ បានបញ្ជាកម្លាំងជំនាញក្រុង សហការជាមួយកម្លាំងជំនាញខេត្ត ស្រាវជ្រាវឈានដល់បង្រ្កាបឃាត់ខ្លួនជនសង្ស័យខាងលើបានចំនួន០៣នាក់ ៖

ករណី ហិង្សាដោយចេតនានិងធ្វើឲ្យខូចខាតដោយ ចេតនា(បង្កឡើងដោយក្មេងទំនើង) កើតហេតុ: ថ្ងៃទី ២៩ ខែមេសា ឆ្នាំ២០២៦ វេលាម៉ោង១៩និង០០នាទី។ ចំណុច៖ក្រោយសាលារៀនសុវណ្ណភូមិ ស្ថិតនៅភូមិតាខ្មៅ២ សង្កាត់តាខ្មៅ ក្រុងតាខ្មៅ ខេត្តកណ្តាល។ ជនរងគ្រោះ០១នាក់៖ ឈ្មោះ ថា ចិត្រា ភេទប្រុស អាយុ១៧ឆ្នាំ ជនជាតិខ្មែរ មានទីលំនៅភូមិអចម៌កុក សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរ នៅផ្ទះ។ 

ជនសង្ស័យចំនួន០៦នាក់៖ ១-ឈ្មោះ ឃុន ខុនគីមូន ភេទប្រុស អាយុ១៩ឆ្នាំ ជនជាតិខ្មែរ រស់នៅភូមិតាខ្មៅ២ សង្កាត់តាខ្មៅក្រុងតាខ្មៅ ខេត្តកណ្តាល មុខរបរ កម្មកររោងចក្រ(ឃាត់ខ្លួន)។ ជនសង្ស័យគ្មានសារធាតុញៀនក្នុងទឹកនោម(-)។ ២-ឈ្មោះ បែន ចេស្តា ហៅនាថ ភេទប្រុស អាយុ២០ឆ្នាំ ជនជាតិខ្មែរ មានទីលំនៅភូមិតាងួនសង្កាត់កកាប ខណ្ឌពោធិ៍សែនជ័យ រាជធានីភ្នំពេញ មានមុខរបរ សិស្ស (ឃាត់ខ្លួន)។ ជនសង្ស័យគ្មានសារធាតុញៀនក្នុងទឹកនោម(-)។ ៣-ឈ្មោះ ង្វៀង យ៉ាំងលឿង ហៅជា ភេទប្រុស អាយុ១៨ឆ្នាំ ជនជាតិវៀតណាម ទីលំនៅភូមិតាខ្មៅ២ សង្កាត់តាខ្មៅ ក្រុងតាខ្មៅ ខេត្តកណ្តាល មុខរបរ សិស្ស (ឃាត់ខ្លួន)។ ជនសង្ស័យគ្មានសារធាតុញៀនក្នុងទឹកនោម(-)។ ៤-ឈ្មោះ ចាន់ សុវណ្ណបញ្ញា ភេទប្រុស អាយុ១៦ឆ្នាំ ជនជាតិខ្មែរ មានទីលំនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរ សិស្ស (គេចខ្លួន)។ ៥-ឈ្មោះគី ប៊ុនដារ៉ា ហៅ បុត្រ ហៅហ៊ុប ភេទប្រុស អាយុ១៨ឆ្នាំ ជនជាតិខ្មែរ រស់នៅភូមិថ្មី១ សង្កាត់តាខ្មៅ ក្រុងតាខ្មៅ ខេត្តកណ្តាល មានមុខរបរ កម្មកររោងចក្រ (គេចខ្លួន)។ ៦-ឈ្មោះនុត ភេទប្រុស អាយុ ១៨ឆ្នាំ ជនជាតិខ្មែរ រស់នៅភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល មុខរបរ កម្មកររោងចក្រ (គេចខ្លួន)។

វត្ថុតាងចាប់យក៖ ១-កាប់បិតផ្គាក់ផ្លែ ដែកដងឬស្សី០១ (របស់ជនសង្ស័យ)។ ២-ម៉ូតូ០១គ្រឿងម៉ាកSUZUKI NEX ពណ៌សលាយក្រហមពាក់ផ្លាកលេខ កណ្តាល1LP-3193(របស់ជនសង្ស័យ)។ សម្ភារខូចខាត៖ ម៉ូតូ០១គ្រឿងម៉ាក់SUZUKI NEX2 ពណ៌ខ្មៅ ពាក់ផ្លាកលេខ កណ្តាល 1AD -9823 (បែកក្បាល និងកុងទ័រព្រមទាំង ចង្កៀងស្តុបខាងក្រោយ។

នៅចំពោះមុខសមត្ថកិច្ចជនសង្ស័យទាំងបីនាក់ បានឆ្លើយសារភាពថា ខ្លួនពិតជាបានធ្វើសកម្មភាព ប្រើអំពើហិង្សាដោយចេតនា និងធ្វើឲ្យខូចខាតដោយចេតនា ទៅលើជនរងគ្រោះ ប្រាកដមែន ពីព្រោះខឹងជនរងគ្រោះ ធ្លាប់ប្រើអំពើហិង្សា ព្រួតវាយទៅលើជនសង្ស័យឈ្មោះ ឃុន ខុនគីមូន បណ្តាលឲ្យមានរបួសស្នាមត្រង់គុម្ពត្រចៀកខាងស្តាំ កាលពីថ្ងៃទី០៥ ខែមេសា ឆ្នាំ២០២៦ ម៉ោង១២និង០០នាទីយប់ ចំណុចមុខហ្សេនដូក្រុងតាខ្មៅ ប្រាកដមែន។

បច្ចុប្បន្នជនសង្ស័យទាំង០៣នាក់ កម្លាំងជំនាញកសាងសំណុំរឿង ចាត់ការតាមនីតិវិធី។

អាស្រ័យហេតុនេះ សូមសាធារណជនមេត្តាជ្រាបជាព័ត៌មាន៕