កម្លាំងនគរបាលឃាត់ខ្លួនក្មេងទំនើង៤នាក់ដែលជិះម៉ូតូបង្កភាពអនាធិបតេយ្យ តាមផ្លូវសាធារណៈបង្កឲ្យប៉ះពាល់សណ្តាប់ធ្នាប់សាធារណៈ

ភ្នំពេញ÷ក្មេងទំនើង៤នាក់ ក្នុងចំណោមនោះ៣នាក់ជាប្រុសក្លែងជាស្រី ដែលជិះម៉ូតូបង្កភាពអនាធិបតេយ្យ តាមផ្លូវសាធារណៈបង្កឲ្យប៉ះពាល់សណ្តាប់ធ្នាប់សាធារណៈត្រូវបានកម្លាំងជំនាញនគរបាលព្រហ្មទណ្ឌកម្រិតស្រាលឃាត់ខ្លួនយកមកសួរនាំ។

ថ្មីៗនេះ ក្រោយមានការផ្សព្វផ្សាយតាមបណ្តាញសង្គម ករណីក្មេងទំនើង៤នាក់ជិះម៉ូតូ២គ្រឿងបង្កភាព អនាធិបតេយ្យ តាមផ្លូវសាធារណៈ នោះភ្លាមៗនាថ្ងៃទី ៧ខែឧសភា ឆ្នាំ២០២៦ វេលាម៉ោង០៣ និង ៣០ នាទី យប់អធ្រាត្រ កម្លាំង ការិយាល័យនគរបាលព្រហ្មទណ្ឌកម្រិតស្រាល បានស្រាវជ្រាវឃាត់ខ្លួនក្មេងទំនើងចំនួន០៤នាក់ នៅចំណុចស្ពានជ្រោយចង្វារ សង្កាត់ជ្រោយចង្វារ ខណ្ឌជ្រោងចង្វារ រាជធានីភ្នំពេញ ពាក់ព័ន្ធករណី ក្មេងទំនើងបើកបរម៉ូតូបង្កភាពអនាធិបតេយ្យ នៅតាមផ្លូវសារធារណៈ ប្រព្រឹត្តនៅចំណុចស្ពានអាកាសផ្សារដីហុយ សង្កាត់ទឹកថ្លា   ខណ្ឌសែនសុខ រាជធានីភ្នំពេញ កាលពីយប់អធ្រាត្រថ្ងៃទី០៥ ខែឧសភា ឆ្នាំ២០២៦ ។

១-ឈ្មោះ សឹម ច័ន្ទរតន៍ ភេទប្រុស  កើតឆ្នាំ២០០៨ ជនជាតិខ្មែរ

២-ឈ្មោះ ថន ច័ន្ទដារ៉ា ភេទប្រុស កើតឆ្នាំ២០០៨ ជនជាតិ ខ្មែរ 

៣-ឈ្មោះ កឹម គន្ធី ភេទ ស្រី កើតឆ្នាំ២០០៨ ជនជាតិ ខ្មែរ

៤-ឈ្មោះ ជា មករា ភេទ ប្រុស កើតឆ្នាំ២០០៨ ជនជាតិខ្មែរ។

បច្ចុប្បន្នកម្លាំងការិយាល័យនគរបាលព្រហ្មទណ្ឌកម្រិត ស្រាលនៃស្នងការដ្ឋាននគរបាលរាជធានីភ្នំពេញ កំពុងធ្វើការ សាកសួរតាមនីតិវិធី៕