សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ហេតុការណ៍ភ្ញាក់ផ្អើលមួយបានកេីតឡេីង បន្ទាប់ពីមានករណីបុរសម្នាក់ ដែលជាមន្រ្តីនគរបាលមានតួនាទីជាអង្គរក្សទើបចូលនិវត្តន៍ បានប្រើប្រាស់កាំភ្លើងខ្លីបាញ់សម្លាប់ខ្លួនឯង ដោយមិនដឹងមូលហេតុបណ្ដាលឱ្យដេកស្លាប់ក្នុងថ្លុកឈាម។
ហេតុការណ៍ខាងលេីនេះ បានកេីតឡេីងកាលពីវេលាម៉ោង៥ និង៣៦នាទីទៀបភ្លឺ ថ្ងៃទី១៨ ខែឧសភា ឆ្នាំ២០២៦ នៅចំណុចផ្លូវបេតុងខាងក្រោយផ្សាររាត្រីជាប់ផ្លូវ៦០ម៉ែត្រ ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
យោងតាមប្រភពព័ត៌មានពីកន្លែងកើតហេតុ បានឱ្យដឹងថា មុនពេលកើតហេតុគេឃើញជនរងគ្រោះបានជិះម៉ូតូអគ្គិសនី ពណ៍ខ្មៅ តែម្នាក់ឯងលុះមកដល់ចំណុចខាងលើ បានដកកាំភ្លើងខ្លីរបស់ខ្លួនបានសម្លាប់ខ្លួនឯងតែងម្ដង។
ក្រោយកេីតហេតុកម្លាំងសមត្ថកិច្ចមូលដ្ឋាន បានសហការជាមួយកម្លាំងនគរបាលជំនាញកោសល្យវិច័យ បានចុះដល់ទីតាំងកើតហេតុដើម្បីធ្វើការត្រួតពិនិត្យសាកសព និងស្រាវជ្រាវរកក្រុមគ្រួសារជនរងគ្រោះ ដើម្បីប្រគល់សពយកទៅធ្វើបុណ្យតាមប្រពៃណី៕ដោយ៖តារា
