សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ២នាក់ បានធ្វេីសកម្ភាពឆក់កាបូបពីជនរងគ្រោះបានសម្រេច នៅចំណុចបន្ទាយដើមអញអិល សង្កាត់ពញ្ញាអន់ ត្រូវកម្លាំងនគរបាល ឃាត់ខ្លួនបាននៅចំណុចមុខប៉ុស្តិ៍នគរបាលរដ្ឋបាល សំរោងស្ថិតតាមបណ្តោយផ្លូវ លេខ១៥១ ភូមិធំជើង សង្កាត់សំរោង ខណ្ឌព្រែកព្នៅ កាលពីវេលាម៉ោង ២និង៤៥ នាទី ថ្ងៃទី ២០ ខែតុលា ឆ្នាំ២០១៦។
តាមសមត្ថកិច្ចបានឲ្យដឹងថា ជនសង្ស័យទាំង២នាក់មានឈ្មោះ សំ សុផាត ភេទប្រុស អាយុ២៤ឆ្នាំ មុខរបរមិនពិតប្រាកដ ស្នាក់នៅភូមិ ផ្សារលិច សង្កាត់ និងខណ្ឌ ព្រែកព្នៅ ជនសង្ស័យទី២ឈ្មោះ ប៉ិន វណ្ណា ភេទ ប្រុស អាយុ ២០ ឆ្នាំ មុខរបរលក់ខ្យង ឪពុកឈ្មោះ ភាព អាយុ៤២ឆ្នាំ មុខរបរកសិករ ស្នាក់នៅភូមិផ្សារលិច សង្កាត់និងខណ្ឌព្រែកព្នៅ សមត្ថកិច្ចបន្តថា ជនសង្ស័យមានគ្នា ២នាក់ជិះម៉ូតូ ម៉ាក LET ពណ៌សគ្មានស្លាកលេខ ជិះធ្វើសកម្មភាពឆក់ការបូបលុយពីជនរងគ្រោះបានសម្រេចរួចជិះគេចខ្លួន ក្រោយមកជនសង្ស័ម្នាក់បានជិះម៉ូតូមួយគ្រឿងផ្សេងទៀតម៉ាក ZOOMER X ពណ៌ខ្មៅគ្មានស្លាកលេខ ជិះគ្នា២នាក់តាមផ្លូវ១៥១ពីលិចមកកើតតាមផ្លូវ ១៥១ ត្រូវកម្លាំងនគរបាលប៉ុស្តិ៍សំរោងធ្វើការឃាត់ខ្លួនបានភ្លាមៗផងដែរ។
សមត្ថកិច្ចបានប្រាប់ទៀតថា ជនសង្ស័យម្នាក់ក្នុងចំណោម២នាក់គឺជាមុខសញ្ញាចាស់ធ្លាប់ជាប់គុកម្តងរួចមកហើយ លុះមកដល់ពេលកើតហេតុម្តងនេះ ដោយមានការរាយការពីជនរងគ្រោះថាមានករីឆក់កាបូបទើកម្លាំងរៀបចំពួនស្ទាក់ឃើមុខសញ្ញាដែលបានធ្វើសកម្មភាពឆក់កាបូបទៀតក៌ត្រូវបានចាប់ឃាត់ខ្លួនតែម្តង។
គួរបញ្ជាក់ផងដែរថា ជនរងគ្រោះមិនត្រូវបានស្គាល់អត្តសញ្ញាណ ដោយសារកម្លាំងនគរបាលព្រហ្មទណ្ឌនៃអធិការដ្ឋានខណ្ឌព្រែកព្នៅយកទៅសួរនាំ ដោយមិនអោយអ្នកសារពត័៍មានដឹង។
បច្ចុប្បន្នជនសង្ស័ទាំង២នាក់ត្រូវបាន កម្លាំនគរបាលប៉ុស្តិ៍សំរោងប្រគល់ទៅឲ្យកម្លាំនគរបាលព្រហ្មទណ្ឌកំរិតធ្ងន់នៃអធិការដ្ឋានខណ្ឌព្រែកព្នៅយកទៅចាត់ការតាមផ្លូវច្បាប់ដើម្បីបន្តនិតិវិធីតាមផ្លូវច្បាប់។ គួរបញ្ជាក់ផងដែរថា ពេលកំពុងឃាត់ខ្លួនកម្លាំងដកហូតបានម៉ូតូមួយគ្រឿងម៉ាក ZOOMER Xពណ៌ខ្មៅគ្មានស្លាកលេខផងែរ៕ ព្រែកជ័យ
