ម៉ូតូ២គ្រឿងបុកគ្នារងរបួសធ្ងន់ស្រាល២នាក់នៅក្រុង-ខេត្តកែប

ខេត្តកែប៖ មនុស្ស២នាក់របួសធ្ងន់ ស្រាល ក្នុងហេតុការណ៍ គ្រោះថ្នាក់ចរាចរណ៍ រវាងម៉ូតូបុកម៉ូតូ ខណៈបើកបរស្របទិសគ្នា ពីជើងទៅត្បូង កាលពីវេលាម៉ោង៦ល្ងាច ថ្ងៃទី២១ ខែតុលា ឆ្នាំ២០១៦ នៅលើ កំណាត់ផ្លូវជាតិលេខ៣៣A ត្រង់ចំណុចផ្លូវ កោង ស្ថិតក្នុងភូមិកែវក្រសាំង សង្កាត់-ក្រុង ខេត្តកែប។

មន្ត្រីនគរបាល ក្រុងកែបបានឲ្យដឹងថា ម៉ូតូដែលបុកគ្នាមួយគ្រឿងម៉ាកហុងដាវ៉េវ គ្មានពាក់ស្លាកលេខ បើកបរដោយឈ្មោះ ទុយ ធូ ភេទប្រុស អាយុ៣៨ឆ្នាំ (គ្មានរបួស)ដោយមានអ្នករួមដំណើរ ឈ្មោះប៉ុល ចាន់ ណារី ភេទស្រី អាយុ២០ឆ្នាំ (របួសស្រាល) អ្នកទាំង២រស់នៅភូមិកែប សង្កាត់កែប ក្រុង កែប ខេត្តកែប។ រីឯម៉ូតូបង្កម៉ាកហុងដា សេ១២៥ ពណ៌ខ្មៅ ពាក់ស្លាកលេខ កែប 1A-1381 បើកបរដោយឈ្មោះ ប៉ែន សឺន ភេទប្រុស អាយុ២៥ឆ្នាំ(របួសធ្ងន់) មានទី លំនៅភូមិ-សង្កាត់កើតហេតុខាងលើ។ ម៉ូតូទាំងពីរគ្រឿងខូចខាតស្រាលត្រូវបាននគរបាលចរាចរខេត្តយកទៅរក្សាទុកនៅនគរ បាលខេត្តកែប។ ចំណែកអ្នករបួសធ្ងន់ក្រោយ ហេតុការណ៍ត្រូវបានរថយន្តសង្គ្រោះរបស់ នគរបាលដឹកទៅព្យាបាលនៅមន្ទីរពេទ្យ បង្អែកខេត្តកែប៕ សហការី