សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យ៣នាក់ ត្រូវកម្លាំងងអន្តរាគមន៍រាជធានីឃាត់ខ្លួន ខណៈពួកគេរក្សាទុក ដែកកែឆ្នៃកាច់បំបែកសោកម៉ូតូនៅជាប់ខ្លួន កាលពីវេលាម៉ោង១០និង៣០នាទីព្រឹក ថ្ងៃទី២៤ ខែតុលា ឆ្នាំ២០១៦ នៅចំណុចភូមិបុរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ជនសង្ស័យទាំង៣នាក់ទី ១ឈ្នោះ ហេង សុគន្ធ ភេទ ប្រុស អាយុ ២៧ឆ្នាំ មុខរបរ ជាងដែក សព្វថ្ងៃស្នាក់នៅភូមិ ខ្វា សង្កាត់ ដង្កោ ខណ្ឌដង្កោ ទី២ឈ្មោះ ផាន់ រិទ្ធធា ភេទ ប្រុស អាយុ ១៨ឆ្នាំ មុខរបរ មិនពិតប្រាកដ សព្វថ្ងៃស្នាក់នៅផ្ទះជួល ភូមិ ជើងឯក សង្កាត់ ដង្កោខណ្ឌដង្កោ រាជធានីភ្នំពេញ ។ ( មានឧបករណ៍កាច់បំផ្លាញមេសោរ) និង៣ឈ្នោះ អំ វិរះ ភេទប្រុស អាយុ១៨ឆ្នាំ មុខរបរ មិនពិតប្រាកដ សព្វថ្ងៃស្នាក់នៅភូមិជើងឯក សង្កាត់ដង្កោ ខណ្ឌដង្កោ រាជធានីភ្នំពេញ ។
សមត្ថកិច្ចបានអោយដឹងថា មុននឹងឃាត់ខ្លួនជនសង្ស័យខាងលើ គឺកម្លាំងអន្តរាគមន៍រាជធានីចុះជួយខណ្ឌសែនសុខបានល្បាតក្នុងមូលដ្ឋាន លុះមកដល់ចំណុចខាងលើក៍ប្រទេះឃើញជនសង្ស័យ៣នាក់ ជិះម៉ូតូ១គ្រឿងម៉ាកហុងដាសេ១២៥ ពណ៌ខ្មៅ ពាក់ស្លាកលេខ ភ្នំពេញ ១DH.០៦៧២ មិនពាក់មួកសុវត្ថិភាព មានកាសង្ស័យបានឃាត់ត្រួតពិនិត្យនិងឆែកឆេរ ក៏ឃើញមានដែកកែឆ្នៃសម្រាប់កាច់បំបែកសោកម៉ូតូ១ និងសោជញ្ជៀន១ នៅជាប់ខ្លួន ពេលនោះសមត្ថកិច្ចឃាត់ខ្លួនយកមកសាកសួរនៅប៉ុស្តិ៍នគរបាលរដ្ឋបាលទឹកថ្លា ។
នៅចំពោះមុខសមត្ថកិច្ច ជនសង្ស័យបានឆ្លើយសារភាពថា ឧបករណ៍ល្មើសច្បាបនេះ ពិតជារបស់ខ្លួនមែន តែពួកគេមិនបានធ្វើសកម្មភាពអ្វីទេ ។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខចាត់ការតាមផ្លូវច្បាប់ ៕ តុង សីហា
