សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ តាមរយៈបទបញ្ជារបស់លោកឧត្តមសេនីយ៍ស្នងការនគរបាលខេត្ត បានឲ្យកម្លាំងក្រោមឱវាទស្រាវជ្រាវ ទីបំផុតចាប់បានក្រុមក្មេងទំនើងចំនួន២នាក់ ដែលបានកាប់បំផ្លាញម៉ូតូរបស់អ្នកដទៃ ដែលប្រតិបត្តិការបង្ក្រាបនេះ បានធ្វើឡើងនៅថ្ងៃទី២៧ ខែមិថុនា ឆ្នាំ២០២៦ នៅចំណុចឃុំក្រែក ស្រុកពញាក្រែក បញ្ជូនមកកាន់ស្នងការដ្ឋាននគរបាលខេត្ត ដើម្បីសួរនាំ ។
លោកឧត្តមសេនីយ៍ត្រីចក់ សុខកៅ ស្នងការរងនគរបាលខេត្តទទួលផែនព្រហ្មទណ្ឌ បានឲ្យដឹង នារសៀលថ្ងៃទី២៨ មិថុនា ឆ្នាំ២០២៦ថា ក្នុងករណីកន្លងមកក្រុមក្មេងទំនើង ដែលបានបង្កហិង្សាដោយវាយគ្នាទៅវិញទៅមក តាមដងផ្លូវខ្លះមិនមានបទល្មើសធំដុំនោះទេ តែក្រុមនេះមិនបានទេឱ្យតែឃើញដឹងតែឌឺដងដាក់ប្រាវតែម្ដង ។ ហើយត្រូវបានកម្លាំងសមត្ថកិច្ចចាប់បានបន្តបន្ទាប់ ក្រុមនេះភាគច្រើនមិនស្ដាប់ការណែនាំពីសំណាក់ឪពុកម្ដាយនោះទេ ។
សមត្ថកិច្ចបាន បន្តហើយដឹងទៀតថា ករណីហិង្សាដោយចេតនា និងធ្វើឱ្យខូចខាតដោយចេតនា(កាប់ម៉ូតូ)ផ្ដើមចេញពីក្មេងទំនើងចំនួន២ក្រុម (វាយទៅវាយមក) កើតហេតុនៅថ្ងៃទី២៤ ខែមិថុនា ឆ្នាំ២០២៦ វេលាម៉ោង២០និង៣០នាទី នៅចំណុចផ្លូវបេតុង ស្ថិតនៅភូមិជីមាន់ជើង ឃុំក្រែក ស្រុកពញាក្រែក ខេត្តត្បូងឃ្មុំ ។
សមត្ថកិច្ចបាបឃាត់ជនសង្ស័យឈ្មោះ១.ឈ្មោះ ហង់ ហុងគា ភេទប្រុស អាយុ១៩ឆ្នាំ ជនជាតិខ្មែរ ស្រុកកំណើតភូមិស្មោញ ឃុំល្វៀង ស្រុកត្បូងឃ្មុំ ខេត្តកំពង់ចាម និង ២.ឈ្មោះ អ៊ិន សុឃី ភេទប្រុស អាយុ១៨ឆ្នាំ ជនជាតិខ្មែរ ស្រុកកំណើតភូមិក្បាលស្នួល ឃុំស្នួល ស្រុកស្នួល ខេត្តក្រចេះ ។
បច្ចុប្បន្នទាំងពីរនាក់ ស្នាក់នៅភូមិជីមាន់ជើង ឃុំក្រែក ស្រុកពញាក្រែក ខេត្តត្បូងឃ្មុំ បានធ្វើសកម្មភាពកាប់ទៅលើម៉ូតូម៉ាកScoopy របស់ជនរងគ្រោះឈ្មោះ សាម៉ុន ណាឡែន ភេទប្រុស អាយុ១៩ឆ្នាំ ជាតិខ្មែរ រស់នៅភូមិត្រពាំងផ្លុងទី២ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ ។
ចំពោះអំពីវត្ថុតាងៈ ១.ម៉ូតូចំនួន ១គ្រឿង ២.កាំបិតផ្គាក់ចំនួន ១ដើម។ ៣.ដុំថ្មចំនួន២ដុំ។ ៤.បំណែកដុំឥដ្ឋចំនួន១ដុំ។
សមត្ថកិច្ចបានឃាត់ខ្លួនជនសង្ស័យខាងលើ បញ្ចូនមកកាន់អធិការដ្ឋាន ដើម្បីសាកសួរព្រមទាំងបានបញ្ជូនមកកាន់ស្នងការដ្ឋាននគរបាលខេត្តចាត់ការតាមច្បាប់ ៕
