សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ÷មន្ត្រីនគរបាលស្រុកព្រៃនប់បានឲ្យដឹងនៅថ្ងៃទី០១ខែកក្កដាឆ្នាំ២០២៦នេះថា ក្មេងទំនើងពីរនាក់ដែលបង្កដែលបង្ករហិង្សាលើដងផ្លូវជាតិលេខ ៤ កាលពីកន្លះខែមុនត្រូវបានឃាត់ខ្លួន កសាងសំណុំរឿងចាត់ការតាមនីតិវិធី។
គួររំលឹកផងដែរថា កាលពីថ្ងៃទី១៩ ខែមិថុនា ឆ្នាំ២០២៦ វេលាម៉ោង២: ៣០នាទីទាបភ្លឺ នៅលើដងផ្លូវជាតិលេខ៤ ត្រង់គីឡូម៉ែត្រលេខ១៧៣ស្ថិតក្នុងភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ មានករណីហិង្សាដោយចេតនាមានស្ថានទម្ងន់ទោសបង្កដោយក្មេងទំនើង មួយកើតឡើងបង្កដោយជនសង្ស័យ២ក្រុម ។
ដោយមានការដឹកនាំចង្អុលបង្ហាញពី ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ លោកវរសេនីយ៍ឯក អ៊ួង វុទ្ធី អធិការនគរបាលស្រុកព្រៃនប់ បានដឹកនាំបញ្ជាកម្លាំងជំនាញ ដោយសហការជាមួយប៉ុស្តិ៍ជើងគោ បានធ្វើការចុះបង្រ្កាប និងឃាត់ខ្លួនជនសង្ស័យជាក្មេងទំនើងបាន៦ នាក់(ប្រុស) និងដកហូតវត្ថុតាងបានមួយចំនួន ដោយកសាងសុំណុំតាមនីតិវិធីច្បាប់ កាលពីថ្ងៃទី២០ ខែមិថុនា ឆ្នាំ២០២៦ កន្លងមក ។
ក្រោយមកកម្លាំងសមត្ថកិច្ចបានធ្វើការស្រាវជ្រាវរកចាប់បក្ខពួកដែលរត់គេចខ្លួនបន្ត នៅថ្ងៃទី២៩ ខែ មិថុនា ឆ្នាំ ២០២៦ វេលាម៉ោង០២: ៤០នាទី ទាបភ្លឺ នៅភូមិជេីងគោ ឃុំជើងគោ ស្រុកព្រៃនប់ ខេត្តព្រះសីហនុ ចំនួន ២នាក់បន្ថែម រួមមាន៖ ឈ្មោះ ប៊ុន វិច្ឆិកា ភេទ ប្រុសអាយុ១៥ឆ្នាំ មុខរបរ មិនពិតប្រាកដ មានទីលំនៅ ភូមិចំការកៅស៊ូ ឃុំជេីងគោ ស្រុកព្រៃនប់ ខេត្តព្រះសីហនុ (ជាបក្ខពួកក្រុម ភាគីក)និងឈ្មោះ ពៅ ពេជ្រ ភេទប្រុស អាយុ១៥ឆ្នាំ មុខរបរ មិនពិតប្រាកដ មានទីលំនៅ ភូមិចំការកៅស៊ូ ឃុំជេីងគោ ស្រុកព្រៃនប់ ខេត្តព្រះសីហនុ (ជាបក្ខពួកក្រុម ភាគីខ )។
ជនសង្ស័យទាំង២នេះ ត្រូវបានកសាងសំណុំរឿងតាមនីតិវិធីច្បាប់៕
