សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ដោយសារតែខឹងម្តាយស្តីបន្ទោស យុវតីវ័យ១៧ឆ្នាំម្នាក់បានហៅកង់បីជិះពីផ្លូវចោមចៅ មកស្ពានកោះនរាលោតទឹកសម្លាប់ខ្លួនបានសម្រេច បង្កឲ្យមានការភ្ញាក់ផ្អើលកាលពីវេលាម៉ោង១១:៣០នាទីយប់ ថ្ងៃទី២៥ ខែកក្ដដា ឆ្នាំ២០២៦ ស្ថិតនៅចំណុចលេីស្ពានកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ ។
តាមសម្ដីស្ត្រីជាម្តាយយុវតីរងគ្រោះបានឲ្យដឹងថា មុនពេលកើតហេតុដោយរូបគាត់បានស្តីបន្ទោសឲ្យកូនតិចតួចក្រោយមកនាងក៏បានចេញពីផ្ទះបាត់ហើយមកហៅកង់បីជិះចេញពីផ្លូវវេងស្រេងឆ្ពោះទៅស្ពានកោះនរាតែម្តង ។
បេីតាមម្ចាស់កង់បីបានឲ្យដឹងទៀតថា បន្ទាប់ពីរូបគាត់ជូនយុវតីរងគ្រោះមកដល់ក្នុងតំបន់កោះនរាភ្លាម នាងក៏បានឲ្យគាត់ដឹកនាងត្រឡប់ទៅផ្ទះវិញហើយបើកកាត់តាមស្ពានកោះនរាខណះពេលបើកឡើងដល់ពាក់កណ្តាលស្ពាន ស្រាប់តែយុវតីខាងលើលោតចេញពីក្នុងកង់បីហើយហក់ចូលទៅក្នុងទន្លេលិចបាត់ទៅក្រោមតែម្តងទៅបន្សល់ទុកនៅស្បែកជើង១គូរនិងទូរស័ព្ទមួយគ្រឿង។
ក្រោយកើតហេតុ ក្រុមគ្រួសារជនរងគ្រោះមកដល់ និងយកសម្ភារៈរបស់យុវតីរងគ្រោះដែលមានស្បែកជើងនិងទូរស័ព្ទមួយគ្រឿងទៅរក្សាទុក ៕ ដោយ ៖ ភារ៉ា ដង្កោ
