សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ÷មន្ត្រីនគរបាលស្រុកសាមគ្គីមុន្នីជ័យបានឲ្យដឹងនៅព្រឹកថ្ងៃទី២៩ ខែកក្កដានេះថា ដោយបានការបញ្ជាដឹកនាំពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងការចង្អុលដឹកនាំពីលោកស្នងការរងជំនាញ នៅរសៀលថៃ្ងទី២៨ ខែកក្ដដា ឆ្នាំ២០២៦នេះ កម្លាំងនគរបាលស្រុកសាមគ្គីមុនីជ័យ ដឹកនាំដោយលោកវរសេនីយ៍ទោ សាវ សភក្ដី អធិការនគរបាលស្រុក បានបញ្ជាឱ្យកំលាំងជំនាញចុះស្រាវជ្រាវនិងអន្ដរាគមន៍លេីករណីបង្កហិង្សាដោយ ចេតនាមានស្ថានទម្ងន់។ ជនរងគ្រោះស្លាប់ ក្រោយបញ្ជូនទៅមន្ទីរពេទ្យដោយសារតែរងរបួសធ្ងន់ និងបង្ករបួសស្នាមមនុស្ស៣នាក់ធ្ងន់-ស្រាល។
ករណីហឹង្សាកេីតនៅចំណុចភូមិត្រពាំងស្គុន ឃុំពាំងល្វា ស្រុកសាមគ្គីមុនីជ័យ ខេត្តកំពង់ស្ពឺ បង្កឡេីងដោយជនសង្ស័យឈ្មោះ បាន រ៉ន ភេទប្រុសអាយុ៣៩ឆ្នាំ បានធ្វើសកម្មភាពយកចបជីកដងដែកវាយទៅលើជនរង គ្រោះ៤នាក់បណ្ដាលឲ្យស្លាប់១នាក់ និងរងរបួស៣នាក់ និងវាយកម្ទេចបំផ្លាញម៉ូតូមួយគ្រឿង។
ជនរងគ្រោះ ១/ឈ្មោះ នៅ សាន ភេទប្រុស អាយុ៧០ (ស្លាប់) ២/ឈ្មោះ ឡេង វ៉ាន ភេទប្រុសអាយុ ៤១ ៣/ឈ្មោះ ដោក បូរ៉ុម ភេទប្រុស អាយុ៤៣ឆ្នាំ ៤/ឈ្មោះ ឈួង ឈឿន ភេទប្រុស អាយុ៥៧ឆ្នាំ រងរបួសធ្ងន់ -ស្រាល។
កម្លាំងជំនាញបានសហការឃាត់ខ្លួនជនសង្ស័យបាន ភ្លាមៗ បញ្ជូនមកអធិការដ្ឋាននគរបាលស្រុកសាមគ្គីមុនីជ័យ ដើម្បីកសាងសំណុំរឿងចាត់ការតាមនីតិវិធី ៕
