សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជន៣នាក់បានរងរបួសស្រាល ក្រោយពេលជិះម៉ូតូម៉ាក HONG DA SCOOPY ឌុបគ្នាជ្រុលទៅបុករថយន្តម៉ាកFOR THING បើកបត់ឆ្លងផ្លូវចំពាក់កណ្តាលចំហៀងខាងស្តាំយ៉ាងពេញទំហឹង កាលពីវេលាម៉ោង១១:២០នាទីយប់ ថ្ងៃទី០៦ ខែសីហា ឆ្នាំ២០២៦ ស្ថិតនៅលើផ្លូវសហព័ន្ធរុស្សុី ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតគេឃើញរថយន្តម៉ាក FOR THINGពណ៌ខ្មៅមួយគ្រឿងពាក់ផ្លាកលេខភ្នំពេញ2-BS 8089 បើកបរដោយបុរសម្នាក់ធ្វើដំណើរតាមបណ្ដោយផ្លូវសហព័ន្ធរុស្ស៊ីទិសដៅពីកើតទៅលិច លុះពេលបើកមកដល់ចំណុចកើតហេតុខាងលើក៏បានបួងចង្កូតបត់ឆ្វេងឆ្ពោះមកផ្លូវ 259វិញខណៈពេលបើកបត់ដល់ពាក់កណ្ដាលផ្លូវស្រាប់តែគេឃើញមាន យុវជន៣នាក់ជិះម៉ូតូ១គ្រឿងម៉ាក HONG DA SCOOPY ពណ៌ខ្មៅពាក់ផ្លាកលេខ ភ្នំពេញ 1LT-9855 ឌុបគ្នាធ្វើដំណើរទិសដៅបញ្រ្ចាស់គ្នាពីលិចទៅកើតក្នុងល្បឿនលឿនជាន់ហ្រ្វាំងមិនទាន់ក៏ជ្រុលទៅបុកចំពាក់កណ្តាលរថយន្តចំហៀងខាងស្តាំយ៉ាងពេញទំហឹងធ្វេីឲ្យរថយន្តនិងម៉ូតូរងការខូចខាតយ៉ាងដំណំ តែយុវជនទាំង៣នាក់ជាម្ចាស់ម៉ូតូនិងរួមដំណេីររងរបួសស្រាលប៉ុណ្ណោះ ។
បន្ទាប់ពីកើតហេតុ សមត្ថកិច្ចមូលដ្ឋានសហការជាមួយមន្ត្រីជំនាញចរាចរណ៍ចុះមកធ្វើការវាស់វែងយកម៉ូតូនិងរថយន្តទៅរក្សាទុកជាបណ្ដោះអាសន្នរង់ចាំភាគីសងខាងដោះស្រាយមាសនៅពេលក្រោយ៕ ដោយ ៖ ភារ៉ា ដង្កោ
