សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសម្នាក់ត្រូវបានប្រជាពលរដ្ឋចាប់ក្របួចប្រគល់ឲ្យសមត្ថកិច្ចនគរបាល ខណៈដែលស្រវឹងស្រាជោកឡើងទៅលើផ្ទះចាប់ស្ត្រីចំណាស់ពិការភ្នែក និងថ្លង់រហូតបានសម្រេចកាលពីវេលាម៉ោង២១និង២០នាទី ថ្ងៃទី៤ ខែវិច្ឆិកា ឆ្នាំ២០១៦ ស្ថិតនៅភូមិប្រចន្ទ្រា ឃុំបន្ទាយក្រាំង ស្រុកកំពង់រោទ៍ ខេត្តស្វាយរៀង ។
សមត្ថកិច្ចនគរបាលបានឲ្យដឹងថា បុរសជនសង្ស័យ មានឈ្មោះ ស៊ុន ចាន់ណាន អាយុ១៨ឆ្នាំ មុខរបរមិនពិតប្រាកដ រស់នៅភូមិប្រចន្ទ្រា ឃុំបន្ទាយក្រាំង ស្រុកកំពង់រោទ៍។ រីឯស្ត្រីរងគ្រោះអាយុ៧១ឆ្នាំ ជាជនពិការភ្នែក និង ថ្លង់រស់នៅតែម្នាក់គ្មានទីពឹង ។
សមត្ថកិច្ចនគរបាលបន្តថាមុនពេលកើតហេតុ បុរសខាងលើបានផឹកស្រវឹងជោក ជាំហើយក៏បានឡើងទៅវាយស្ត្រីពីការថ្លង់បណ្ដាលអោយរងរបួស ទើបធ្វើសកម្មភាពរំលោភរហូតបានសម្រេច ។
ក្រោយកើតហេតុ ក៏មានសេចក្ដីរាយការណ៍ថា មានជនសង្ស័យចាប់រលោភស្ត្រីពិការ ទើបសមត្ថកិច្ចចុះឃាត់ខ្លួនតែម្ដង ។
បច្ចុប្បន្នសមត្ថកិច្ចឃាត់ ខ្លួនជនស្ស័យមកកាន់អធិការដ្ឋាននគរបាលស្រុក ដើម្បីកសាងសុំរឿងចាត់ការតាមច្បាប់ ។ ចំណែកឯស្ត្រីរងគ្រោះកំពុងសម្រាកព្យាបាលនៅមន្ទីរពេទខេត្តស្វាយរៀង ៕ យឹម សុថាន
