សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំៈ កាលពីវេលាម៉ោង១២ថ្ងៃត្រង់ ថ្ងៃទី០ ៦ ខែវិច្ឆិកា ឆ្នាំ២០១៦ មានករណី ហិង្សាដោយចេតនា ដោយប្រើ កាំបិតកាប់គ្នារវាងសង្ឃ២អង្គ បណ្តាលឲ្យរងរបូសធ្ងន់ ។
ហេតុការណ៍នេះបានកើតឡើងនៅក្នុងវត្តពោធិដំណាក់ ភូមិជីណាក់ ឃុំចំណាក្រោម ស្រុកស្ទោង ខេត្តកំពង់ធំ។
ប្រភពព័ត៌មានពីសមត្ថកិច្ចកងរាជអាវុធហត្ថបានឲ្យដឹងថា អ្នកបង្កឡើងដោយសង្ឃឈ្មោះ រិទ្ធ វុធ្ធី អាយុ១៨ឆ្នាំ ស្នាក់នៅវត្ត ខាងលើ បានយកកាំបិតព្រាកាប់ចំនួន២កាំបិតទៅលើលោកសង្ឃឈ្មោះ វណ្ណា សុខហេង ភេទប្រុស អាយុ៣៥ឆ្នាំ ស្នាក់នៅវត្តកើតហេតុខាងលើបណ្តាលអោយរងរបួសចំបោះដៃផុត១កាំបិត ចំចិញ្ចើម១កាំបិត របួសធ្ងន់ ត្រូវបាន សមត្ថកិច្ចបញ្ជូនទៅមន្ទីរពេទ្យ ខេត្តកំពង់ធំ។
ចំណែកលោកសង្ឃបង្កត្រូវបានកំលាំងអធិការនគរបាលស្រុកស្ទោងឃាត់ខ្លួននាំយកទៅអធិការដ្ឋានធ្វើកំណត់ហេតុ ដើម្បីចាត់ការតាមនិតិវិធីច្បាប់ ៕ ប៊ុន រិទ្ធី
