សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅវេលាម៉ោង១៤និង០៥នាទី ថ្ងៃទី៩ ខែធ្នូ ឆ្នាំ២០១៦ កម្លាំងនគរបាលខណ្ឌមានជ័យ បានសហការជាមួយកម្លាំងប៉ុស្តិ៍នគរបាលរដ្ឋបាលចាក់អង្រៃក្រោម និង កម្លាំងសាលាសង្កាត់ចាក់អង្រែក្រោម បានចុះត្រួតពិនិត្យរដ្ឋបាលនៅចំណុចផ្ទះលេខ១៧អឺ០ ផ្លូវលំ ក្រុមទី២៩ ភូមិ ព្រែកតាឡុង៣ សង្កាត់ ចាក់អង្រែក្រោម ខណ្ឌមានជ័យ រាជធានីភ្នំពេញ ហើយបានឃាត់ខ្លួនជនសង្ស័យ១នាក់(ជាម្ចាស់ផ្ទះ) ឈ្មោះ សំ ស៊ីនឿន ភេទប្រុស អាយុ៣២ឆ្នាំ ជនជាតិខ្មែរ មុខរបរ មិនប្រាកដ ស្នាក់នៅផ្ទះលេខ១៧អឺ០ ផ្លូវលំ ក្រុមទី២៩ ភូមិ ព្រែកតាឡុង៣ សង្កាត់ ចាក់អង្រែក្រោម ខណ្ឌមានជ័យ រាជធានីភ្នំពេញ ពីបទជួញដូរដោយខុសច្បាប់នូវសារធាតុញៀន ពេលដែលជនសង្ស័យកំពុងលក់ថ្នាំញៀននៅក្នុងផ្ទះ ។
នៅក្នុងនោះ កម្លាំងសមត្ថកិច្ចបានដកហូតវត្ថុតាងរួមមាន ៖ ក្រាមពណ៍សថ្លាសរុបចំនួន១៣កញ្ចប់ថង់តូច , ទូរស័ព្ទដៃចាស់១គ្រឿង , ពិលតូច ០១ និង ស្បែកជើងប៊ូ ពណ៍ខ្មៅ ០១គូ ។
បច្ចុប្បន្នជនសង្ស័យឈ្មោះសំ ស៊ីនឿន ដែលជាអ្នកជួញដូរថ្នាំញៀនយ៉ាងសកម្មខាងលើ ត្រូវបានកម្លាំង សមត្ថកិច្ចឃាត់ខ្លួនយកទៅអធិការដ្ឋាននគរបាលខណ្ឌមានជ័យដើម្បីកសាងសំណុំរឿងចាត់ការតាមនីតិវិច្បាប់៕ ភារ៉ា ដង្កោ
