ធ្វើជាជួលបន្ទប់ផ្ទះសំណាក់ដេក រួចធ្វើសកម្មភាពលួចយកទូរទស្សន៍ ត្រូវម្ចាស់ផ្ទះក្របួចជាប់

ភ្នំពេញ៖ ជនសង្ស័យ២នាក់ ត្រូវកម្លាំងនគរបាលប៉ុស្តិ៍រដ្ឋបាលផ្សារដើមគ ខណ្ឌទួលគោក ឃាត់ខ្លួនជាក់ស្តែង ពីបទលួច ( យកទូរទស្សន៍ )កាលពីវេលាម៉ោង ៥ជិតភ្លឺ ។

នៅថ្ងៃទី១២ ខែធ្នូ ឆ្នាំ២០១៦ ប្រព្រឹត្តនៅចំណុចផ្ទះ សំណាក់នគរជុំ បន្ទប់លេខ៣០៦ ដែលមានទីតាំងនៅផ្ទះលេខ៣៧ ផ្លូវលេខ២៣៤ ក្រុមទី១៣ ភូមិ៧ សង្កាត់ ផ្សារដើមគរ ខណ្ឌទួលគោក រាជធានីភ្នំពេញ ។ ជនសង្ស័យទាំង ០២នាក់ខាងលើនេះទី ១-ឈ្មោះ ប្រាក់ រក្សា ហៅ កា ភេទប្រុស អាយុ ១៧ ឆ្នាំ ជនជាតិខ្មែរ មុខរបរ កម្មករលើកបន្លែ ស្នាក់នៅផ្ទះ ជួល ផ្លូវលេខ២៣៥ សង្កាត់ផ្សារដើមគរ ទួលគោក ។ ទី២-ឈ្មោះ ហុង បញ្ញា ភេទប្រុស អាយុ ១៧ឆ្នាំ ជនជាតិ ខ្មែរ មុខរបរ កម្មករលើកបន្លែ មានទីលំនៅ និងស្រុក កំណើតភូមិឬស្សីជួរ ឃុំក្រោលគោ ស្រុកស្វាយរៀង ខេត្តស្វាយរៀង ។ ចំណែកជនរងគ្រោះឈ្មោះ សុខ ម៉ាម៉ូលីនដា ភេទស្រី អាយុ ២៩ឆ្នាំ ជនជាតិខ្មែរ មុខរបរ ម្ចាស់ផ្ទះសំណាក់ នគរជុំ ស្នាក់នៅផ្ទះលេខ៣៧ ផ្លូវលេខ២៣៤ ក្រុមទី ១៣ ភូមិ៧ សង្កាត់ផ្សារដើមគរ ខណ្ឌទួលគោក ។ វត្ថុតាងដែលបានចាប់យក ៖ -ទូរទស្សន៌LCDមួយគ្រឿង ទំហំ21Inc ពណ៌ខ្មៅម៉ាកSamsung ( បានប្រគល់ឱ្យជនរងគ្រោះវិញ ) -ថង់មានដៃយួរពណ៌ក្រហម រូបតុក្កតា ចំនួន០១ ។

តាមប្រភពព័ត៍មានពីមន្ត្រីនគរបាលមូលដ្ឋាន បានឲ្យដឹងថា នៅថ្ងៃទី១១ ខែធ្នូ ឆ្នាំ២០១៦ វេលាម៉ោងប្រហែល១១យប់ ជនសង្ស័យទាំងពីរបាន ចូលទៅជួលផ្ទះសំណាក់ដេកនៅជាន់ទី៣ បន្ទប់លេខ ៣០៦ រហូតដល់ម៉ោងប្រហែល ៥ជិតភ្លឺថ្ងៃទី១២ ខែធ្នូ ឆ្នាំ២០១៦ ជនសង្ស័យទាំងពីរនាក់បានចុះមកវិញ មាន កាន់ថង់ដៃយួរពណ៌ក្រហម សន្តិសុខបានឃើញ ក៏ សុំ ត្រួតពិនិត្យបានឃើញទូរទស្សន៍០១គ្រឿងជារបស់ផ្ទះ សំណាក់ ក៏បានឃាត់ខ្លួនប្រគល់ឱ្យសមត្ថកិច្ចតែម្តង ។

បច្ចុប្បន្នជនសង្ស័យទាំងពីរនាក់ កំពុងឃាត់ ខ្លួនជាបណ្តោះអាសន្ននៅអធិការដ្ឋាននគរបាលខណ្ឌ ទួលគោក ដើម្បីសាកសួរ និងកសាងសំណុំរឿងបញ្ជូនទៅតុលាការ ចាត់ការតាមផ្លូវច្បាប់ ៕ ស ដារ៉ា