សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ៖ កាលពីថ្ងៃទី១២ ខែធ្នូ ឆ្នាំ២០១៦ វេលាម៉ោង៧យប់មានករណីគ្រោះថ្នាក់ចរាចរណ៍បានកើតឡើងនៅត្រង់ចំណុចផ្លូវកោង មុខវត្តសុវណ្ណមាលាឪឡោក ស្ថិតនៅភូមិគោកឪឡោក ឃុំអំពិល ស្រុក បន្ទាយអំពិលរវាងរថយន្តជាមួយគោយន្ត កន្ត្រៃបើកបរស្របទិសគ្នាពីកើតទៅលិច។
ជនបង្កឈ្មោះ ជិន បូរ៉ា ភេទប្រុស អាយុ ៣២ឆ្នាំ រស់នៅភូមិស្វាយធំ ឃុំបឹងរាំង ស្រុក កំរៀង ខេត្តបាត់ដំបងបើកបររថយន្តឡិច ស៊ីសRX៣០០ពណ៌ទឹកមាស ពាក់ស្លាក លេខបាត់ដំបង2B-1355 ។
ជនរងគ្រោះឈ្មោះម៉ែត ឈុត ភេទប្រុស អាយុ៥០ឆ្នាំ រស់នៅភូមិគោកឪឡោក ឃុំអំពិល ស្រុកបន្ទាយអំពិល រងរបួសធ្ងន់ និង អ្នករួមដំណើរឈ្មោះ ឈុត សាវីត ភេទប្រុស អាយុ១២ឆ្នាំត្រូវជាកូនបង្កើត រងរបួស ស្រាល។
ករណីនេះកម្លាំងជំនាញបានចុះដល់ កន្លែងកើតហេតុហើយជនបង្កបើកបររថយន្ត រត់គេចខ្លួន ហើយកម្លាំងជំនាញបានសហការ ជាមួយកម្លាំងនគរបាលខេត្តបន្ទាយមានជ័យតាមឃាត់ខ្លួនជនបង្កមកអធិការដ្ឋាននគរបាលស្រុកដើម្បីកសាងសណុំរឿងចាត់ការតាមច្បាប់៕ ប៉ែននួន
