សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ គណៈបញ្ជាការឯកភាពខណ្ឌសែនសុខ បន្តចុះបង្ក្រាបអ្នកប្រើប្រាស់គ្រឿងញៀន និងឆែឆេរនៅតំបន់មុខមន្ទីរពេទ្យលោកសង្ឃចាប់យកទូហ្គេម១២ទូ កាលពីម៉ោង១១និង២០នាទីព្រឹកថ្ងៃទី២៨ ខែធ្នូ ឆ្នាំ២០១៦ នៅចំណុចមុខមន្ទីរពេទ្យលោកសង្ឃ ភូមិត្រពាំងឈូក សង្កាត់ទឹកថ្លា ខណ្ឌសែនសុខ។
ក្នុងប្រតិបត្តការណ៍នេះ ដឹកនាំកម្លាំងបញ្ជាផ្ទាល់ដោយលោកវរសេនីយ៍ឯក ម៉ក់ ហុង អធិការនគរបាលខណ្ឌសែនសុខ និងមន្ត្រីសាលាខណ្ឌផងដែរ ។
លោក ម៉ក់ ហុង អធិការនគរបាលខណ្ឌ បានអោយដឹងថា ទីតាំងខាងលើនេះ គឺជាតំបន់ស្មុកស្មាញ និងសម្បូរទៅដោយអ្នកប្រើប្រាស់ចែកចាយគ្រឿងញៀនដែលកម្លាំងសមត្ថកិច្ចពិបាកបង្ក្រាបយ៉ាងណា ក៏ដោយតែលោកបានបញ្ជាឲ្យអោយដូចជាភ្លៀងរលឹម។ ជាពិសេសគឺបង្កា្របនៅល្បែងស៊ីសងខុសច្បាប់ដូចជាហ្គេមទាំងនេះជាដើម។
លោកអធិការបន្តទៀតថា ជាក់ស្តែងគឺនៅព្រឹកថ្ងៃទី២៧ វេលាម៉ោង១១និង២០នាទីព្រឹក គឺលោកបានដឹកនាំកម្លាំងផ្ទាល់ចុះទៅបង្ក្រាប និងឆែកឆេរតាមបន្ទប់ជួលនៅតំបន់នោះបានរកឃើញទូហ្គេមចំនួន១២ទូ ក្នុងនោះមានទូហ្គេមវាយពង់ចំនួន១១ទូ និងទូហ្គេមបាញ់ត្រីចំនួន១ទូ ហើយយកទៅរក្សាទុកនៅសាលាខណ្ឌសែនសុខរង់ចាំលោកអភិបាលវាយកម្ទេចចោលនៅពេលក្រោយ៕ តុង សីហា
