សមត្ថកិច្ចឃាត់ខ្លួនជនសង្ស័យម្នាក់ រួមនឹងថ្នាំញៀនចំនួន៨កញ្ចប់

ភ្នំពេញ៖ ជនសង្ស័យម្នាក់ត្រូវកំលាំងផ្នែកយុត្តិធម៌ នៃអធិការដ្ឋាននគរបាលខណ្ឌទួលគោក បានសហការជាមួយកំលាំងល្បាតម៉ូតូសហប៉ុស្តិ៍ ធ្វើការឃាត់ខ្លួនជាក់ស្តែង នៅវេលាម៉ោងប្រហែល១និង៣០នាទីរំលងអធ្រាត្រ ឈានចូលថ្ងៃទី១៨ ខែមករា ឆ្នាំ២០១៧ ត្រង់ចំណុចផ្លូវរថភ្លើង ក្រុមី៥៤ ភូមិ១៤ សង្កាត់បឹងកក់ទី១ ខណ្ឌទួលគោក ។

ជនសង្ស័យឈ្មោះ នៅ ផានិត ភេទប្រុស អាយុ៣៧ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅផ្ទះជួល សង្កាត់ទួលសង្កែខណ្ឌឬស្សីកែវ រាជធានីភ្នំពេញ។

វត្ថុតាងដែលបានចាប់យក: ក្រាមពណ៌សថ្លាចំនួន០៨កញ្ចប់តូច, ម៉ូតូចំនួន០១គ្រឿងម៉ាក វីវ៉ាពណ៌ក្រហម ពាក់ស្លាកលេខ រ-២៣២៧ ភព1 សេរីឆ្នាំ១៩៩៦ និងទូរស័ព្ទចំនួន០១គ្រឿង ម៉ាក Hiyaពណ៌។

តាមប្រភពព័ត៌មានពីមន្រ្តីនគរបាលព្រហ្មទណ្ឌខណ្ឌទួលគោក បានឲ្យដឹងថា នៅថ្ងៃទី១៨ ខែមករា ឆ្នាំ២០១៧ វេលាម៉ោងប្រហែល១និង៣០រំលងអាធ្រាតកំលាំងសមត្ថកិច្ចបានជិះល្បាតទៅដល់ចំណុច ផ្លូវរថភ្លើង. ក្រុមទី ៥៤សង្កាត់បឹងកក់ទី១ ក៏បានប្រទះឃើញជនសង្ស័យរូបនេះ កំពុងឈរធ្វើសកម្មភាពលក់គ្រឿងញៀនជាក់ស្តែងក៏ធ្វើការបង្រ្កាបចាប់ឃាត់ខ្លួនជាក់ស្តែងតែម្តង ។

បច្ចុប្បន្នជនសង្ស័យត្រូវបាននាំយកមកអធិការដ្ឋាននគបាលខណ្ឌទួលគោកដើម្បីសាកសួរនិងកសាងសំណុំរឿងបញ្ចូនទៅសាលាដំបូងរាជធានីចាត់ការតាមច្បាប់៕ដោយ៖ស តារា