សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មេការជាងម៉ាស៊ីនកំដៅម្នាក់ ជាជនជាតិកូរ៉េ បានធ្លាក់ពីលើអាគារការដ្ឋានសំណងកម្ពស់២២ជាន់ របស់ក្រុមហ៊ុនហុងកុងឡែន ក្បែរស្ថានទូតអាមេរិក នៅជាន់ទី១បានស្លាប់ភ្លាមៗខណះដែលរូបគាត់បានជិះជណ្ដើរយោងឡើងទៅមើល ម៉ាសុីនកំដៅដើម្បីត្រួតពិនិត្យកង្ហារបឺតខ្យល់ទាំងអស់ដែលដាក់នៅក្នុងពិតានដានជាន់ទី១ ស្រាប់តែអង្គុយថយក្រោយធ្លាក់ចុះមកក្រោម បោកក្បាលស្លាប់ ហើយម្ចាស់ទីតាំងមិនបានរាយការណ៍ប្រាប់សមត្ថកិច្ចនោះទេ ដោយព្យាយាមលាក់បាំងព័ត៌មានផងដែរ ។
ករណីជនជាតិកូរ៉េធ្លាប់ស្លាប់ខាងលើនេះ បានកើតឡើងកាលពីវេលាម៉ោង១និង៣០នាទីរសៀល ថ្ងៃទី១៧ ខែមករា ឆ្នាំ២០១៧ នៅក្នុងអគារការដ្ឋានសាងសង់កំពស់ ២២ជាន់ ក្រុមហ៊ុនហុងកុងឡែន ស្ថិតនៅចំណុច អាគារជាន់ទី១ ដីឡូលេខ ១ ផ្លូវ ១០៦ភូមិ ២សង្កាត់វត្តភ្នំ ខណ្ឌ ដូនពេញ ។
សាកសពជនបរទេសឈ្មោះ shim kyubomg ភេទ ប្រុស អាយុ26ឆ្នាំ ជនជាតិកូរេ់ កាន់លិខិតឆ្លងដែនលេខ m78807575 ស្នាក់នៅអាគារDecastte បន្ទប់លេខ៤២៥ ជាន់ទី២ ខណ្ឌទួលគោក មុខរបរវិស្វកម្ម (ស្លាប់)ពេលដឹកមកដល់មុន្ទីរពេទ្យកាល់ម៉ែត្រ នៅវេលាម៉ោង ១៨ ថ្ងៃទី១៧ ឆ្នាំ ២០១៧ ដោយបាក់ឆ្អឹងជំនីទំលូសសួត និងបែកលលាក្បាលស្លាប់ ។
តាមចំម្លើយពីមិត្តភ័ក្រជនរងគ្រោះឈ្មោះ KIM INHWI ភេទប្រុស អាយុ៣៧ឆ្នាំ បានឆ្លើយបំភ្លឺប្រាប់សមត្ថកិច្ចថា នៅវេលាម៉ោង៧ព្រឹកថ្ងៃទី១៧ ខែមករា រូបគាត់និងជនរងគ្រោះបានចូលធ្វើការដូចសពដង លុះដល់ម៉ោង១និង៣០នាទីរសៀល ឈ្មោះKIM INHWI និងជនរងគ្រោះបានយករន្ទារ (ជណ្ដើរយោង)ដាក់ឡើងទៅមើលម៉ាស៊ីនកំដៅដោយសារតែម៉ាស៊ីនមិនដំណើរការនិងថតកង្ហាបាញ់ខ្យល់យកមកមើលរួចបាននាំគ្នាចុះមកក្រោមវិញ ហើយនៅពេលដែលចុះមកក្រោមរូបថតដែលពួកគាត់ថតនោះមិនសូវច្បាស់ ក៏ជនរងគ្រោះជាសព បានជិះឡើងទៅថតម្តងទៀតតែម្នាក់ឯង ពេលនោះជនរងគ្រោះចង់ថតកង្ហាឲ្យច្បាស់ ក៏ថយមិនប្រយ័ត្នចាំប្រឡោះប្រហោងម៉ាស៊ីនកំដៅ ធ្លាក់ចុះមកក្រោមកំពស់ប្រហែល៥ម៉ែត្រ បណ្ដាលឲ្យបែកក្បាល សន្លប់រងរបួសធ្ងន់ ហើយត្រូវបានមិត្តភ័ក្រដឹកទៅសង្រ្គោះនៅមន្ទីរពេទ្យកាលម៉ែតនៅវេលាម៉ោង២រសៀល ដោយមិនរាយការណ៍ប្រាប់សមត្ថកិច្ចមូលដ្ឋាននោះទេ ។ រហូតដល់វេលាម៉ោង៥ល្ងាចជនរងគ្រោះបានដាច់ខ្យល់ស្លាប់បាត់ទៅហើយ ។ លុះនៅវេលាម៉ោង៦និង២០នាទី ថ្ងៃដដែល ទើបសមត្ថកិច្ចទទួលព័ត៌មានថា មានករណីជនជាតិកូរ៉េធ្លាក់ពីលើអាគារក្រុមហ៊ុនហុងកុងឡែន បណ្ដាលឲ្យស្លាប់តែម្តង ។
ក្រោយឆ្លងតាមការពិនិត្យរបស់លោកឧកញ៉ាវេជ្ជបណ្ឌិត នង សុវណ្ណារ័ត្ន គ្រូពេទ្យកោសល្យវិច័យសាលាដំបូងរាជធានីភ្នំពេញនិងសមត្ថកិច្ចជំនាញបានបញ្ជាក់ថាបុរសរងគ្រោះពិតជាស្លាប់ដោយសារធ្លាក់ត្រូវចំក្បាល និងខ្លួនប្រាណធ្ងន់ពេក ។
បច្ចុប្បន្នសពត្រូវបានក្រុមគ្រួសារមកទទួលយកទៅធ្វើបុណ្យនៅវត្តស្ទឹងមានជ័យ ៕ តារា
