ណាហ្គាវើល មានបម្រើម្ហូបថ្មីៗកំពូលរសជាតិជាច្រើនមុខក្នុងឱកាសបុណ្យចូលឆ្នាំថ្មីប្រពៃណីចិន សម្រាប់លោកអ្នករីករាយតាមតម្រូវការក្នុងបរិយាកាសដ៏មានសុភមង្គល

រាជធានីភ្នំពេញ ថ្ងៃទី ២៣ មករា ២០១៧ ៖ ណាហ្គាវើល មានម្ហូបកំពូលរសជាតិជាច្រើនមុខ និងកម្មវិធីកម្សាន្តដ៏សម្បូរបែបដើម្បីអបអរបុណ្យចូលឆ្នាំថ្មីប្រពៃណីចិនឆ្នាំរកា។

ជួបជុំគ្រួសារ មិត្តភ័ក្តិ និងអ្នកជាទីស្រឡាញ់របស់អ្នកនៅណាហ្គាវើល! នៅទីនេះ យើងមានបម្រើ ្ហូបប្រពៃណីចិនរសជាតិដើមជាច្រើនជម្រើសនៅគ្រប់ភោជនីយដ្ឋានរបស់យើង!

ភោជនីយដ្ឋានចិន Fortune Palace
ចាប់ផ្តើមឆ្នាំថ្មីឆ្នាំនាំលាភសំណាងនៅភោជនីយដ្ឋានចិន Fortune Palace ល្បីឈ្មោះរបស់ណាហ្គាវើលដែលជាភោជនីយដ្ឋានលំដាប់កំពូលក្នុងរាជធានីភ្នំពេញ និងឈ្នះពានរង្វាន់ភោជនីយដ្ឋានប្រណីតលំដាប់ថ្នាក់ពិភពលោកប្រចាំឆ្នាំ ២០១៦ ដែលមានម្ហូបចិនឆ្ងាញ់លើសគេ។

ច្នៃដោយមេចុងភៅ Voon ភ្ញៀវអាចរីករាយម្ហូបពិសេស ១០ មុខដើម្បីទទួលបានលាភសំណាង និងសុភមង្គល។ កំពូលម្ហូប រួមមាន ម្ហូបមហាសម្បត្តិទាំង ៤ ស៊ុបគ្រឿងសមុទ្រសាច់ក្តាម ព្រាបបំពង គ្រឿងសមុទ្រចម្រុះជាមួយពងទាប្រៃ ខជើងជ្រូកជាមួយផ្សិត និងសារាយសមុទ្រចិន ជាដើម។

ភោជនីយដ្ឋានចិន Fortune Palace ក៏មានម្ហូបប្រពៃណីចិនបែបក្លាស៊ីក និងជម្រើសអាហារឌីមសាំជាច្រើនមុខផងដែរ រួមមាន អ៊ីសាងសាលម៉ុន និងអាហារពែងនាគមហាសំណាងដែលមានលៀសសមុទ្រក្រៀម កូនប៉ាវហ៊ឺ ឈ្លើងសមុទ្រ បង្គា លៀសសមុទ្រ សារាយសមុទ្រ អយស័្ទរក្រៀម កូនស្ពៃក្តោប គាវកូនប៉ាវហ៊ឺក្រៀម និងសាច់មាន់ ព្រមទាំងមាន់បំពងជាមួយទឹកជ្រលក់បែបម៉ុងហ្គោលី ជាដើម។

ភោជនីយដ្ឋានវិមានអម្រឹត
រីករាយម្ហូបចិនដែលប្រជាជនទ្វីបអាស៊ីចូលចិត្ត មានដូចជា សាច់ជ្រូកបីជាន់ខជាមួយផ្សិតខ្មៅ ឬត្រីស្ពង់ចៀនជាមួយជ្រក់ម្ទេស ។ល។

ភោជនីយដ្ឋាន Chopstick
នៅទីនេះ អ្នកអាចសាកល្បងម្ហូបចិនដែលមានគ្រឿងផ្សំគុណភាពខ្ពស់ ដូចជា សាច់ចៀមជាមួយទឹកជ្រលក់ម៉ុងហ្គោលី និងមីឆាអាយុវែងសាច់ជ្រូក ជាដើម។

នំ និងស្ករគ្រាប់នាំលាភ មានដាក់លក់នៅ Lobby Lounge ជាន់ផ្ទាល់ដី នំ និងស្ករគ្រាប់នាំលាភបុណ្យចូលឆ្នាំចិនរបស់យើង គឺជាអំណោយដ៏ស័ក្តិសមឥតខ្ចោះសម្រាប់អ្នកជាទីស្រឡាញ់ និងមិត្តរួមអាជីពរបស់អ្នក។ នំនាំលាភទាំងនេះ រួមមាន នំត្រីនាំលាភ នំរកស៊ីមានបាន នំមូលមានលាភ នំស្រួយរសជាតិសណ្តែកដី នំស្រួយរសជាតិស្វាយចន្ទី និងនំស្រួយរសជាតិដូង ។ល។

កម្មវិធីកម្សាន្ត និងការតុបតែងដ៏ទាក់ទាញ
ណាហ្គាវើល ផ្តល់ការកម្សាន្តល្អដាច់គេក្នុងរាជធានីភ្នំពេញ ហើយរាត្រីសមោសរស្វាគមន៍បុណ្យចូលឆ្នាំចិនក្នុងដើមខែកុម្ភៈនេះ គឺជារាត្រីសមោសរពិសេសដែលមានការចូលរួមសម្តែងពីកំពូលសិល្បករសិល្បការិនី និងតារាចម្រៀងល្បីៗដែលនឹងសម្តែង និងច្រៀងកំដរភ្ញៀវវីអាយភីរបស់យើងក្រោមបរិយាកាសរីករាយបំផុត។

ចាប់ពីពាក់កណ្តាលខែមករាទៅ ណាហ្គាវើលនឹងត្រូវបានតុបតែងបែបប្រពៃណីចិនដ៏ទាក់ទាញប្លែកភ្នែកដោយមានគោមក្រហម និងរូបមាន់នៅក្នុងភោជនីយដ្ឋាន និងហាងរបស់ខ្លួនដើម្បីនាំសិរីសួស្តីក្នុងឱកាសបុណ្យចូលឆ្នាំចិន។ សូមអញ្ជើញមកទស្សនាការរាំម៉ុងសាយ ការសម្តែងវាយស្គរ និងឃ្មោះចិននៅឆាក Lobby ជាន់ផ្ទាល់ដីដើម្បីដេញឧបទ្រពចង្រៃចេញ និងនាំលាភសំណាងដល់ព្រះរាជាណាចក្រកម្ពុជា។

សូមអញ្ជើញមកណាហ្គាវើលដើម្បីអបអរបុណ្យចូលឆ្នាំចិនជាមួយគ្នា! សូមឲ្យមានសំណាងល្អ និងជ័យជម្នះថ្មីៗបន្ថែមទៀតក្នុងឆ្នាំនេះ និងឆ្នាំបន្តបន្ទាប់!

អំពីណាហ្គាវើល®
ប្រជុំ ស្រស់ស្រូបអាហារ លម្ហែ ជប់លៀង និងលេងកម្សាន្តនៅណាហ្គាវើល មណ្ឌលកម្សាន្តគ្មានដែនកំណត់ឈានមុខគេ!
ស្ថិតនៅតាមដងទន្លេមេគង្គ និងទន្លេសាបដែលមានទេសភាពស្រស់ត្រកាលគួរឲ្យចាប់អារម្មណ៍ ណាហ្គាវើលបានក្លាយជាទីតាំងអត្តសញ្ញាណនៃរាជធានីភ្នំពេញ។ ណាហ្គាវើល មានទីតាំងស្ថិតក្នុងទីតាំងយុទ្ធសាស្ត្រនៅក្នុងរាជធានីភ្នំពេញដែលជាទីក្រុងមានប្រវត្តិសាស្រ្តដ៏សម្បូរបែប។ យោងតាមរឿងព្រេងនិទាន ឈ្មោះ “ណាហ្គាវើល” នេះជាឈ្មោះដែលយកតាមរឿងព្រេងបុរាណអំពីនាគស្តេចនាគមួយដែលមានក្បាលចំនួន ៧។ ស្តេចនាគនេះ ត្រូវបានគេជឿថារស់នៅក្នុងទន្លេនេះដើម្បីការពារច្រកចូលមកកាន់រាជធានីភ្នំពេញ។ យោងតាមរឿងតំណាល គេអាចមើលឃើញស្តេចនាគនេះបង្ហាញខ្លួនខណៈពេលដែលមានឥន្ទធនូប៉ុណ្ណោះ។ ដូចនេះបានជាទិដ្ឋភាពនេះ ត្រូវបានគេចាត់ទុកថាជាទិដ្ឋភាពដ៏មានឫទ្ធិអស្ចារ្យមួយ។ ប្រដូចទៅនឹងថូមាសនៅចុងនៃឥន្ទធនូ ណាហ្គាវើលត្រូវបានប្រៀបប្រដូចទៅនឹងនិមិត្តសញ្ញានៃការចាប់ផ្តើមថ្មី និងភាពសម្បូររុងរឿងត្រជាក់ត្រជំ។

ណាហ្គាវើល បានទាក់ទាញទេសចរជាច្រើន រួមមានទាំងទេសចរស្វែងរកការសម្រាកលម្ហែ ទេសចរផ្សងព្រេង និងទេសចរស្វែងរកការកម្សាន្តសប្បាយជាដើម។ ណាហ្គាវើលភ្នំពេញ ជាសណ្ឋាគារ និងមណ្ឌលកម្សាន្តចម្រុះដំបូងគេ និងល្អបំផុតនៅព្រះរាជាណាចក្រកម្ពុជាដែលកំពុងអភិវឌ្ឍយ៉ាងលឿន និងមានក្រុមហ៊ុនណាហ្គាខបដែលជាក្រុមហ៊ុនមេដែលបានចុះបញ្ជីក្នុងទីផ្សារភាគហ៊ុនហុងកុង។ ណាហ្គាវើល មានទំហំផ្ទៃដីសរុបជាង ១ លានហ្វីតការ៉េដែលមានបន្ទប់ប្រភេទស្វីត និងដឺលុច្សជាង ៧០០ បន្ទប់ មណ្ឌលស្ប៉ាដ៏ធំទូលាយប្រកបដោយផាសុកភាព ហាងលក់ទំនិញ ភោជនីយដ្ឋាន និងបានីយដ្ឋានចំនួន ១៤ សេវាកម្សាន្តសម្បូរបែប ព្រមទាំងមានសាលប្រជុំបំពាក់ទៅដោយបរិក្ខារទំនើបៗ និងជាសណ្ឋាគារដែលមានសាលសន្និសីទធំជាងគេក្នុងចំណោមសណ្ឋាគារធំៗក្នុងព្រះរាជាណាចក្រកម្ពុជា ដែលអាចទទួលប្រតិភូច្រើនជាង ១.០០០ នាក់។

សម្រាប់សំណួរទាក់ទងនឹងការផ្សព្វផ្សាយ ឬរូបថត សូមទាក់ទង ៖

Ms. Melanie Loong
មុខតំណែង ៖ Senior Marketing Communication Manager
ទូរស័ព្ទ ៖ +៨៥៥ ១៥ ៩៩ ៥៥ ៩៧
អ៊ីម៉ែល ៖ melanieloong@nagaworld.com

លោក ឈាវ ប៊ុនរិទ្ធ
មុខតំណែង ៖ អ្នកប្រែសម្រួលភាសាអង់គ្លេស ផ្នែកទំនាក់ទំនងទីផ្សារ
ទូរស័ព្ទ ៖ +៨៥៥ ១៥ ៨៨ ២២ ១០
អ៊ីម៉ែល ៖ chheavbunrith@nagaworld.com