សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ រថយន្តដឹកស្រូវមួយគ្រឿង បានរេចង្កូតទៅបុកស្លាកពាណិជ្ជកម្ម បណ្តាលអោយក្រឡាប់ទាំងជំហរ បន្ទាប់អ្នកបើកបររថយន្តបើកលឿនរួចជាន់ហ្រ្វាំងអត់ស៊ី ។
ហេតុការណ៍នេះបានកើតឡើងកាលពីវេលាម៉ោង៥និង១០នាទីព្រឹក ថ្ងៃទី២៤ ខែមករា ឆ្នាំ២០១៧ នៅលើកំណាត់ផ្លូវជាតិលេខ៥ ស្ថិតឃុំខុនរ៉ង ស្រុកបរិបូរណ៍ ខេត្តកំពង់ឆ្នាំង ។
ប្រជាពលរដ្ឋស្ថិតនៅកន្លែងកើតហេតុបានអោយដឹងថា នៅមុនពេលកើតហេតុគេមានរថយន្តមួយគ្រឿងម៉ាកហ្វុយហ្ស៊ូ ពាក់ស្លាកលេខភ្នំពេញ ៣A-៩៩២៤ ជារថយន្តដឹកស្រូវ ពេញមួយរថយន្ត ដែលបើកក្នុងល្បឿនយ៉ាងលឿន នៅពេលមកដល់ចំណុចកើតហេតុ ក៍ស្រាប់តែ ឃើញរថយន្តរេចង្កូត ទៅស្លាកពាណិជ្ជកម្មរបស់ក្រុមហ៊ុនទូរស័ព្ទបណ្តាលអោយក្រឡាប់ភីងតែម្តង ហើយស្រូវនៅលើរថយន្តចាក់រេលមកដីទំាងអស់ ប៉ុន្តែមិនបណ្តាលអោយរងរបួស គ្រោះថ្នាក់ដល់មនុស្សនោះទេ ។
ប្រជាពលរដ្ឋមានការសង្ស័យថា ករណីគ្រោះថ្នាក់ចរាចរណ៍នេះ អាចបណ្តាលមកពីអ្នកបើកបរងោក ហើយនៅពេលដែលឃើញស្ថានការដូចនេះជាន់ហ្រ្វាំងប្រថុចញុច បណ្តាលអោយដាច់ប្រព័ន្ធហ្រ្វាំង ទើបគ្រោះថ្នាក់បែបនេះ ។
ក្រោយពេលកើតហេតុសមត្ថកិច្ចបានចុះមកពិនិត្យមើល នៅកន្លែងកើតហេតុ ហើយបានអោយដោះស្រាយសងសំណងនៃការខូចខាត ទៅម្ចាស់ស្លាកពាណិជ្ជកម្មរបស់ក្រុមហ៊ុនទូរស័ពុ្ទ ៕ ចន្ថា
