សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉ែតៈ ក្រុមក្មេងស្ទាវ៤នាក់ ដែល តែងតែជិះម៉ូតូ ដើរលេងពេល យប់ត្រូវកម្លាំងនគរបាលវរៈការពារព្រំដែនគោក៩១១ ល្បាតនិងឆែកឆេរកឃើញវត្តុតាងថ្នាំញៀនជាប់ខ្លួន កាលពីវេលាម៉ោង១០និង៣០នាទីយប់ ថ្ងៃទី២៣ ខែមករា ឆ្នាំ២០១៧ នៅចំណុចកាស៊ីណូផ្កាយ៥ ឋិតក្នុងភូមិក្បាលស្ពាន១ សង្កាត់ប៉ោយប៉ែត
ក្រុងប៉ោយប៉ែត ខេត្តបន្ទាយមានជ័យ។
សមត្ថកិច្ចប្រាប់ថា ការចុះ ប្រតបត្តិការនៅពេលយប់គីមាន កម្លាំងចំនួន៦នាក់ដឹកនាំកំលាំងដោយលោកវរៈសេនីយ៍ត្រី សួន ដា រ៉ា មេបញ្ជាការរងទទួលទិសបានល្បាតក្នុងភូមិសាស្រ្ត ហើយឃាត់ខ្លួន ជនសង្ស័យ និងប្រើប្រាស់ថ្នាំញៀនចំនួន៤នាក់ក្នុងភូមិក្បាលស្ពាន១ សង្កាត់-ក្រុងប៉ោយប៉ែត ខេត្តបន្ទាយមានជ័យ ។
សមត្ថកិច្ចបញ្ជាក់ថា ជនសង្ស័យម៉ែន សុខហៀង ភេទប្រុស អាយុ៣០ឆ្នាំ រស់នៅក្នុងសាមគ្កីមានជ័យ១ សង្កាត់-ក្រុងប៉ោយប៉ែត, ឡុង យ៉ន ភេទប្រុស អាយុ២៧ឆ្នាំ ស្នាក់នៅក្នុងផ្សាររុក្លឿ(ថៃ), អែម ភារម្យ ភេទប្រុស អាយុ១៧ឆ្នាំ រស់នៅភូមិសាមគ្គីមានជ័យ សង្កាត់-ក្រុងប៉ោយប៉ែត, ឈូ ឈៀក ភេទប្រុស អាយុ៣០ឆ្នាំ រស់នៅក្នុងភូមិក្បាលស្ពាន១ សង្កាត់-ក្រុងប៉ោយប៉ែត ។
នៅក្នុងប្រតិបត្តការឆែកឆេរត្រួតពិនិត្យរកឃើញវត្ថុតាងដួចជាថ្នាំញៀនប្រភេទWYចំនួន១២គ្រាប់, ថ្នាំញៀនប្រភេទម៉ាទឹកកកចំនួន៦កូនថង់តូច, ទូរសព្ទ័ដៃចំនួន២គ្រឿង, បំពងឆ្នៃជកគ្រឿងញៀន, ដែកកេះចំនួន៣ និងកូនកាំបិតដៃ០១។
ប្រភពបញ្ជាក់ថា ជនសង្ស័យដែល ចែកចាយគ្រឿងញៀនមានឈ្មោះ ម៉ែន សុខហៀង ភេទប្រុស អាយុ៣០ឆ្នាំ រស់នៅក្នុងសាមគ្កីមានជ័យ១ សង្កាត់-ក្រុងប៉ោយប៉ែត ។
ក្រោយពីសាក់សួរក្រុមក្មេងស្ទាវទាំងបួននាក់នោះបានឆ្លើយសារភាពថាពួកគេបានធ្វើសកម្មភាពចែកចាយ និងសេពថ្នាំញៀនពិតប្រាកដដួចពាក្យសមត្ថកិច្ចចោទសួរមែន ។ ក្រោយពីកសាងសំណុំរឿងក្រុមក្មេងស្ទាយទាំងអស់ត្រូវបាននគរបាលប៉ុស្ដិ៍រដ្ឋបាលប៉ោយប៉ែតយកទៅ កសាងសំណុំរឿងបន្តដើម្បីចាត់ការតាមផ្លូវច្បាប់ ។
លោកអ៊ឹម សុភារៈ នាយប៉ុស្ដិ៍ប៉ោយ ប៉ែតប្រាប់ថា ក្រុមក្មេងស្ទាវទាំង៤នាក់នោះ លោកបានទទួលពីកម្លាំងនគរបាលវរៈការពារព្រំដែនគោក៩១១ហើយតែពេលនោះលោកកំពុងតែកសាងសំណុំរឿង៕ វណ្ណា
