ក្មេងប្រុសអាយុ១០ឆ្នាំម្នាក់ ត្រូវនគរបាលឃាត់ខ្លួន ពីបទជួញដូរសារធាតុញៀន

ភ្នំពេញ៖ នៅថ្ងៃទី៣១ ខែមករា ឆ្នាំ២០១៧ វេលាម៉ោងប្រហែល ១៦និង៣០នាទី កំលាំងនគរបាលប៉ុស្តិ៍រដ្ឋបាលបឹងកក់ទី២ ខណ្ឌទួលគោក រាជធានីភ្នំពេញ បានធ្វើឃាត់ខ្លួនជនសង្ស័យ០១នាក់ជាក់ស្ដែង ជាអនីតិជន ពីបទជួញដូរដោយខុសច្បាប់នូវសារធាតុញៀន ប្រព្រឹត្តនៅចំណុចប្លុករោងចក្រឆ្នាំង ផ្លូវរថភ្លើង ក្រុមទី១០៧ ភូមិ ២៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ។

ជនសង្ស័យ ឈ្មោះ ធី សុខចេង ហៅ ចេង ភេទប្រុស អាយុ១០ ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះ ភូមិសំបុកចាប សង្កាត់ដើមរកា ខណ្ឌពោធិ៍សែនជ័យ រាជធានីភ្នំពេញ មានទីកន្លែងកំណើត សង្កាត់បឹងកក់ទី២ ខណ្ឌទួលគោក រាជធានីភ្នំពេញ ។

វត្ថុតាងចាប់យកមាន ក្រាមពណ៌សថ្លា ចំនួន០៧កញ្ចប់តូច (សង្ស័យជាគ្រឿងញៀន ម៉ាទឹកកក ) ។ ទូរស័ព្ទដៃមួយគ្រឿងម៉ាក I phone 4 ពណ៌ស ស៊ីមលេខ070 908628 ។ លុយខ្មែរចំនួន៣៣០០០៛ ( បីមុឺនបីពាន់រៀល ) ។

បច្ចុប្បន្នជនសង្ស័យឈ្មោះ ធី សុខចេង ហៅ ចេង ជាអនីតិជន ដោយមានការសម្របសម្រួលពី លោក ស្រី ម៉ាកនី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានបញ្ជូនទៅមន្ទីរសង្គមកិច្ច រាជធានីភ្នំពេញ ដើម្បីគ្រប់គ្រង់បន្ត ៕ ស តារា