បុរសពិការដៃទាំងពីរម្នាក់ ត្រូវសមត្ថកិច្ចឃាត់ខ្លួនពីបទជួញដូរគ្រឿងញៀន

ភ្នំពេញ៖ នៅថ្ងៃទី០២ ខែកុម្ភ: ឆ្នាំ២០១៧ វេលាម៉ោង ១០:០០ នាទី កំលាំងផ្នែកព្រហ្មទណ្ឌ នៃអធិការដ្ឋាននគរបាល ខណ្ឌទួលគោក បានឃាត់ខ្លួនជនសង្ស័យ០១នាក់ជាក់ ស្តែង ពីបទជួញដូរដោយខុសច្បាប់នូវសារធាតុញៀន នៅចំណុចផ្ទះ៣៥ ប.ស ផ្លូវរថភ្លើង ក្រុមទី៥៤ ភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។

ជនសង្ស័យឈ្មោះ ភិន ចាន់ភីរិទ្ធិ ហៅ ធា ភេទ ប្រុស អាយុ ៤២ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះ៣៥ ប.ស ផ្លូវរថភ្លើង ក្រុមទី៥៤ ភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។ វត្ថុតាងដែលបានចាប់យក ៖ ក្រាមពណ៌ថ្លា ចំនួន ០៩ កញ្ចប់ ( ធំ០២ និងតូច ០៧) សង្ស័យជាគ្រឿងញៀន , ទូរស័ព្ទបីគ្រឿងម៉ាក Nokia 1616 លេខ015 7078 34 , Samsung S2គ្មានសម្បកក្រោយ បែកអេក្រង់ និងម៉ាក Seatel ពណ៌ស ខូច ។ -កូនកាបូបម៉ាក Nikon ពណ៌ខ្មៅ ចំនួន ០១ -ទុយោកែច្នៃសម្រាប់ជក់គ្រឿងញៀន ០១ និងថង់ សម្រាប់ច្រកគ្រឿងញៀនមួយចំនួន ។

បច្ចុប្បន្ន ជនសង្ស័យកំពុហឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បី សាកសួរ និងកសាងសំណុំរឿងបញ្ជូនទៅសាលាដំបូង រាជធានីភ្នំពេញ ចាត់ការតាមផ្លូវច្បាប់ ៕ ស តារា